[ഭാഗം 2] വിശുദ്ധിയെക്കുറിച്ച് സംസാരിക്കുന്നവരാകണമെന്നില്ല വിശുദ്ധരായിരിക്കുന്നവർ. വിശുദ്ധരായിരിക്കുന്നതിനെക്കുറിച്ച് ചിലപ്പോൾ ചില സഹോദരിമാർ എത്രയധികമായി സംസാരിക്കുന്നവോ, അത്രയും കുറച്ച് മാത്രമേ അവർ വിശുദ്ധിയുള്ളവരായിരിക്കുന്നുള്ളൂ. അത്തരം സഹോദരിമാർ അവരുടെ ഭർത്താക്കന്മാർക്കും, അവരുടെ കുട്ടികൾക്കും, അവർ ആതിഥ്യം നൽകുന്നവർക്കും മികച്ച ഭക്ഷണം വിളമ്പുന്നതിന് പാചകം ചെയ്യുന്നതിന് (പൊടിക്കുന്നതിന്)കൂടുതൽ സമയം ചെലവഴിക്കുന്നതാണ് മെച്ചം. ഇത് ചെയ്യുന്ന സഹോദരിമാർ വിശുദ്ധരായിരിക്കും. ചില സഹോദരിമാർക്ക് വിശുദ്ധരായിരിക്കുന്നതിനെ സംബന്ധിച്ച് എങ്ങനെ കൂട്ടായ്മ ചെയ്യണമെന്ന് അറിയാം, പക്ഷേ അവരുടെ പാചകത്തിൽ എങ്ങനെ നന്നായി പ്രവർത്തിക്കണമെന്ന് അവർക്ക് അറിയില്ല. ഈ സഹോദരിമാർ വിശുദ്ധരായിരിക്കുന്നതിനെ സംബന്ധിച്ച് എത്രയധികം സംസാരിക്കുന്നുവോ, അവരുടെ ഭർത്താക്കന്മാരും കുട്ടികളും അത്രയധികം വിശുദ്ധിയുള്ളവർ അല്ലാതായിത്തീരുന്നു. അവർ വിശുദ്ധിയെക്കുറിച്ച് സംസാരിക്കുന്നു, പക്ഷേ അവരുടെ കുടുംബങ്ങളെ ഉചിതമായ രീതിയിൽ കരുതുന്നില്ല. ഇതേ തത്വം തന്നെയാണ് സഹോദരന്മാരുടെ കാര്യത്തിലും അവരുടെ ജോലികളിൽ ഉള്ളത്. ഒരു സഹോദരൻ വിശുദ്ധിയെക്കുറിച്ച് സംസാരിക്കുകയും അവൻ്റെ ജോലിയെ അവഗണിക്കുകയും ചെയ്യരുത്. അവൻ ഇത് ചെയ്താൽ, അവൻ ജോലിയിൽ നിന്ന് പിരിച്ചുവിടപ്പെടും. ഞാൻ ചെറുപ്പമായിരുന്നപ്പോൾ, നാം പ്രാർത്ഥിക്കുകയോ ബൈബിൾ വായിക്കുകയോ ചെയ്യുമ്പോൾ ഉൾപ്രാപണം ചെയ്യപ്പെടുന്നത് എത്ര അത്ഭുതകരമായിരിക്കും എന്ന് എന്നോട് പറഞ്ഞു ഞാൻ കേട്ടിട്ടുണ്ട്. എന്നാൽ കർത്താവായ യേശു ഈ രീതിയിലല്ല സംസാരിച്ചിരിക്കുന്നത്. പകരം, അവൻ പറയുന്നത് രണ്ട് പുരുഷന്മാർ കൃഷി ചെയ്യുകയായിരുന്നു എന്നും രണ്ട് സ്ത്രീകൾ പൊടിക്കുകയായിരുന്നു എന്നുമാണ്. അവർ ഉപവസിക്കുകയോ, പ്രാർത്ഥിക്കുകയോ, ബൈബിൾ വായിക്കുകയോ ആയിരുന്നില്ല; അവർ അവരുടെ സാധാരണ ജോലി ചെയ്യുകയായിരുന്നു. ഒരു നിശ്ചിത ഉദ്ദേശ്യത്തോടെ തന്നെയാണ് കർത്താവായ യേശു ഈ വാക്ക് സംസാരിച്ചത്. അവൻ നമ്മെ കാണിക്കുവാൻ ആഗ്രഹിക്കുന്നത്, അവന്റെ വരവിനായി നാം കാത്തിരിക്കുകയും ഉൾപ്രാപണം ചെയ്യപ്പെടുവാൻ കാത്തിരിക്കുകയും ചെയ്യുമ്പോൾ, നമ്മുടെ അനുദിന ചുമതലകളിൽ നാം വളരെ വിശ്വസ്തരായിരിക്കണം എന്നാണ്.