[മത്തായി 8:22-ലെ] ഒന്നാമത്തെ മരിച്ചവർ ആത്മികമായി മരിച്ചവരെയാണ് സൂചിപ്പിക്കുന്നത്. ദൈവത്തിൻ്റെ ദൃഷ്ടിയിൽ ലോകത്തിലുള്ളവർ ആത്മികമായി മരിച്ചവരാണ്. മരിച്ചവർ തൻ്റെ പിതാവിനെ അടക്കം ചെയ്യുവാൻ ആ വ്യക്തി അനുവദിക്കുവാനും, എന്നാൽ അവൻ കർത്താവിനെ അനുഗമിക്കുവാനുമാണ് കർത്താവ് പറയുന്നത്. പുതിയ വിശ്വാസികളോട് അവരുടെ പിതാക്കന്മാർക്കുവേണ്ടി ശവസംസ്കാര ചടങ്ങുകൾ നടത്തരുത് എന്നല്ല ഞാൻ ഉപദേശിക്കുന്നത്. മരിച്ചവർ തങ്ങളുടെ തന്നെ മരിച്ചവരെ അടക്കം ചെയ്യട്ടെ എന്നാണ് ഞാൻ പറയുന്നത്. ഈ തത്വം നാം മുറുകെ പിടിക്കണം. പൂർത്തിയായിട്ടില്ലാത്ത വിഷയങ്ങൾ നാം വിടണം. അവ തീർപ്പാക്കിയതിനുശേഷം മാത്രം ക്രിസ്ത്യാനികളാകാൻ കാത്തിരുന്നാൽ, നമുക്ക് ഒരിക്കലും സമയം കിട്ടില്ല. നമ്മുടെ കുടുംബങ്ങളിലും, നമ്മുടെ പിതാക്കന്മാരുമായുള്ള ബന്ധത്തിലും, നമ്മുടെ ജീവിതത്തിലും പൂർത്തിയാകാത്ത നൂറുകണക്കിന് ആയിരക്കണക്കിന് വിഷയങ്ങളുണ്ട്. ആത്മികമായി മരിച്ചവർ മരിച്ചവരുടെ വിഷയങ്ങൾ കൈകാര്യം ചെയ്യട്ടെ! ഇതാണ് തത്വം. ഇത് പുതിയ വിശ്വാസികൾ അവരുടെ കുടുംബത്തെ അവഗണിക്കണം എന്നല്ല ഉപദേശിക്കുന്നത്. അവർ കർത്താവിൻ്റെ അടുക്കൽ വരുന്നതിനു മുമ്പ് അവരുടെ എല്ലാ ഭൗമിക കാര്യങ്ങളും തീർപ്പാക്കുവാൻ കാത്തിരിക്കരുത് എന്നാണ് ഇത് അർത്ഥമാക്കുന്നത്. അങ്ങനെ ചെയ്താൽ, അവർക്ക് കർത്താവിനെ അനുഗമിക്കുവാൻ കഴിയില്ല. പലരും കർത്താവിൽ വിശ്വസിക്കുന്നതിനുമുമ്പ് തങ്ങളുടെ എല്ലാ കാര്യങ്ങളും തീർപ്പാക്കുവാൻ ആഗ്രഹിക്കുന്നു. അങ്ങനെയെങ്കിൽ, അവർക്ക് അവനിൽ വിശ്വസിക്കുവാൻ ഒരവസരവും ലഭിക്കില്ല. മരിച്ചവരുടെ കാര്യങ്ങളാൽ നാം ബന്ധിതരാകരുത്. പകരം, നാം തീർപ്പാക്കാത്ത കാര്യങ്ങളെ തീർപ്പാക്കിയതായി കണക്കാക്കണം.