[ഭാഗം 1] സമർപ്പണത്തിന്റെ ലക്ഷ്യം ദൈവത്തിനുവേണ്ടി ഒരു പ്രസംഗകൻ ആവുകയോ അവനുവേണ്ടി വേല ചെയ്യുകയോ എന്നതല്ല. സമർപ്പണത്തിന്റെ ലക്ഷ്യം അവനെ സേവിക്കുക എന്നതാണ്. സമർപ്പണത്തിന്റെ ഫലം സേവനം ആകുന്നു. മൂലഭാഷയിൽ സേവനം എന്ന വാക്ക് "കാത്തിരിക്കുക" എന്നാണ് അർഥമാക്കുന്നത്. ഇതിനർഥം ഒരു വ്യക്തി സേവിക്കുവാൻ തയ്യാറായിരിക്കുന്നു എന്നാണ്. സമർപ്പണത്തിന്റെ ലക്ഷ്യം ദൈവത്തിനുവേണ്ടി കാത്തിരിക്കുക എന്നതാണ് എന്ന് നാം ഓർക്കണം. ഒരുവനുവേണ്ടി കാത്തിരിക്കുന്നത് ശ്രമകരമായ വേലയായിരിക്കണമെന്നില്ല. ദൈവത്തിനുവേണ്ടി കാത്തിരിക്കുക എന്നതിനർഥം നിങ്ങൾ നിൽക്കണം എന്ന് അവൻ ആഗ്രഹിക്കുമ്പോൾ നിങ്ങൾ നിൽക്കുക എന്നാണ്. നിങ്ങളെ ഒരുവശത്തേക്ക് അവൻ മാറ്റുവാൻ ആഗ്രഹിക്കുന്നുവെങ്കിൽ, നിങ്ങളെ ഒരുവശത്തേക്ക് മാറ്റുവാൻ അവനെ അനുവദിക്കുന്നു എന്നാണ്, കൂടാതെ നിങ്ങൾ ഓടണം എന്ന് അവൻ ആഗ്രഹിക്കുന്നുവെങ്കിൽ, നിങ്ങൾ ഓടണം എന്നാണ്. ഇതാണ് അവനുവേണ്ടി കാത്തിരിക്കുക എന്നതിനർഥം. എല്ലാ ക്രിസ്ത്യാനികളും അവനുവേണ്ടി കാത്തിരിക്കുവാൻ തങ്ങളുടെ ശരീരങ്ങളെ അർപ്പിക്കുവാൻ ദൈവം ആവശ്യപ്പെടുന്നു. നിങ്ങൾ പ്രസംഗപീഠത്തിൽ നിൽക്കണമെന്നോ ചില വിദൂര ദേശങ്ങളിൽ നിങ്ങൾ സുവിശേഷം അറിയിക്കണമെന്നോ അവൻ ആഗ്രഹിക്കുന്നു എന്നല്ല ഇതിനർഥം. ദൈവത്തിനുവേണ്ടി കാത്തിരിക്കുക എന്നാണ് ഇത് അർഥമാക്കുന്നത്. ദൈവം ആരെയെങ്കിലും പ്രസംഗപീഠത്തിലേക്ക് അയച്ചാൽ, ആ വ്യക്തിക്ക് സംസാരിക്കുകയല്ലാതെ മറ്റൊരു തിരഞ്ഞെടുപ്പില്ല. ദൈവം ആരെയെങ്കിലും വിദൂര ദേശങ്ങളിലേക്ക് അയച്ചാൽ, അവന് പോകുകയല്ലാതെ മറ്റൊരു തിരഞ്ഞെടുപ്പില്ല. നമ്മുടെ എല്ലാ സമയവും ദൈവത്തിനുവേണ്ടിയാണ്, എന്നാൽ നാം ചെയ്യുന്ന വേല വഴക്കമുള്ളതാണ്. എല്ലാവരും ദൈവത്തിനുവേണ്ടി കാത്തിരിക്കുന്നവർ ആയിരിക്കണം, എന്നാൽ ഒരുവൻ ചെയ്യേണ്ട പ്രത്യേക വേല വഴക്കമുള്ളതാണ്. നാം ദൈവത്തിനുവേണ്ടി കാത്തിരിക്കുവാൻ പഠിക്കണം. ഒരു വ്യക്തിയുടെ ശരീരം അർപ്പിക്കുന്നത് ദൈവത്തെ സേവിക്കുവാൻ വേണ്ടിയാണ്. [നാളെ തുടരും]