ബൈബിളിൽ പ്രവചനങ്ങളും, ചരിത്രങ്ങളും, ഉപദേശങ്ങളും, കൽപനകളുമുണ്ട്. അതുപോലെ ബൈബിളിൽ പാട്ടുകളുമുണ്ട്. പാട്ടുകൾ എന്നത് മനുഷ്യന്റെ ഏറ്റവും ശ്രേഷ്ഠമായ അനുഭൂതികളുടെ ആവിഷ്കാരമാണ്. ദൈവമുമ്പാകെയുള്ള മനുഷ്യന്റെ പ്രാർത്ഥനയിലെ വികാരങ്ങളെ ദൈവമുമ്പാകെയുള്ള അവന്റെ പാട്ടുകളിലെ വികാരങ്ങളോട് തുലനം ചെയ്യുവാൻ കഴിയില്ല; ഒന്നാമത്തേത് ഒരിക്കലും രണ്ടാമത്തേതിനോളം നേർമ്മയുള്ളതും ആർദ്രവുമല്ല. നമുക്ക് നേർമ്മയുള്ളതും ആർദ്രവുമായ അനുഭൂതികൾ ഉണ്ടായിരിക്കുവാൻ ദൈവം ആഗ്രഹിക്കുന്നു. നമ്മുടെ കർത്താവിന്റെ അനുഭൂതികൾ നേർമ്മയുള്ളതും ആർദ്രവുമാണ്. നമുക്ക് നേർമ്മയുള്ള അനുഭൂതികളും പരുത്തതായ അനുഭൂതികളുമുണ്ട്. ക്രോധവും കോപവും വ്യക്തമായും പരുത്തതായ അനുഭൂതികളാണ്. ചിലർ ക്രോധം നിറഞ്ഞവരല്ലായിരിക്കാം, എന്നാൽ അവരുടെ അനുഭൂതികൾ നേർമ്മയുള്ളതുമല്ല. നാം സഹിഷ്ണുതയുള്ളവരും, മനസ്സലിവുള്ളവരും, കരുണയുള്ളവരും, സഹാനുഭൂതിയുള്ളവരും ആയിരിക്കുവാൻ ദൈവം ആഗ്രഹിക്കുന്നു, കാരണം ഇവയെല്ലാം നേർമ്മയുള്ളതായ അനുഭൂതികളാണ്. നമ്മുടെ പരീക്ഷകളുടെ മദ്ധ്യേ നാം പാടുവാനും നമ്മുടെ വേദനയുടെ മദ്ധ്യേ അവന്റെ നാമത്തെ സ്തുതിക്കുവാനും വാഴ്ത്തുവാനും ദൈവം ആഗ്രഹിക്കുന്നു, കാരണം ഇവയെല്ലാം നേർമ്മയുള്ളതായ അനുഭൂതികളുടെ ആവിഷ്കാരങ്ങളാണ്. ഒരു വ്യക്തി മറ്റൊരു വ്യക്തിയെ സ്നേഹിക്കുമ്പോൾ, അവന്റെ അനുഭൂതി ആർദ്രമാണ്. അവൻ മറ്റുള്ളവരോട് ക്ഷമിക്കുകയോ കരുണ കാണിക്കുകയോ ചെയ്യുമ്പോഴും, അവന്റെ അനുഭൂതി ആർദ്രമാണ്. തന്റെ മക്കളെ കൂടുതൽ നേർമ്മയുള്ളതും, ആർദ്രവും, പാട്ടുപോലെയുള്ളതുമായ അനുഭൂതികളുള്ള ഒരു നടപ്പിലേക്ക് നയിക്കുവാൻ ദൈവം ആഗ്രഹിക്കുന്നു. ഒരു വ്യക്തി എത്രത്തോളം ദൈവത്തിൽ നിന്ന് പഠിക്കുന്നുവോ, അവന്റെ അനുഭൂതികൾ അത്രത്തോളം നേർമ്മയുള്ളതും, ആർദ്രവും, പാട്ടുപോലെയുള്ളതുമായിത്തീരുന്നു. ഒരു മനുഷ്യന്റെ ഹൃദയത്തിൽനിന്ന് ഒഴുകുന്ന ഏറ്റവും ആഴമേറിയ അനുഭൂതികൾ പാട്ടുകളിലൂടെ ആവിഷ്കരിക്കപ്പെടുന്ന അനുഭൂതികളാണ്.