...വിശ്വാസത്തിന്റെ വേല എന്നത് വിശ്വാസത്തിന്റെ എല്ലാ പ്രവൃത്തികളെയും, പ്രവർത്തനങ്ങളെയും പരാമർശിക്കുന്നു. ഒരു സുവിശേഷകൻ ഒരു അവിശ്വാസിയോട് സുവിശേഷം പ്രസംഗിക്കുന്നു എന്ന് വിചാരിക്കുക. അവിശ്വാസി വചനം കൈക്കൊള്ളുകയും, അവനിൽ വിശ്വാസം ഉൽപാദിപ്പിക്കപ്പെടുകയും ചെയ്യുന്നു, കൂടാതെ ഈ വിശ്വാസത്തിലൂടെ അവൻ ദൈവത്തിൽ നിന്ന് ജനിക്കുകയും ക്രിസ്തുവിലാക്കപ്പെടുകയും ചെയ്യുന്നു. ഇപ്പോൾ അവന് വിശ്വാസമുള്ളതിനാൽ, ചില പ്രവർത്തനങ്ങൾ തീർച്ചയായും പിന്തുടരും. ഉദാഹരണത്തിന്, അവൻ സ്വമേധയാ, "ഓ കർത്താവായ യേശുവേ, നീ എത്ര അമൂല്യനാണ്!" എന്ന് പ്രഖ്യാപിച്ചേക്കാം. അതിനുശേഷം അവൻ വീട്ടിൽ പോയി തന്റെ ഭാര്യയോടും മക്കളോടും കർത്താവായ യേശുവിൽ വിശ്വസിക്കുന്നതിനെക്കുറിച്ച് സംസാരിച്ചേക്കാം. കർത്താവിനെ സംബന്ധിച്ച പ്രഖ്യാപനവും കർത്താവിന്റെ പ്രസംഗവും വിശ്വാസത്തിന്റെ വേലകളാണ്. വിശ്വാസം എന്നത് ദൈവത്തെയും, കൃപയെയും, ശക്തിയെയും, വെളിച്ചത്തെയും, മറ്റ് പല കാര്യങ്ങളെയും സൂചിപ്പിക്കുന്നു. ഈ കാരണത്താൽ, ഒരു പുതിയ വിശ്വാസി തന്റെ ഭാര്യയോട് ക്രിസ്തുവിനെ പ്രസംഗിക്കുമ്പോൾ, അവനിലുള്ള വിശ്വാസം അവളോടുള്ള അവന്റെ മനോഭാവത്തെക്കുറിച്ച് അവനെ പ്രകാശിപ്പിച്ചേക്കാം. അപ്പോൾ അവൻ തന്റെ പോരായ്മകളെ കർത്താവിനോട് ഏറ്റുപറയുകയും ചില കാര്യങ്ങളെക്കുറിച്ച് തന്റെ ഭാര്യയോട് ക്ഷമാപണം നടത്തുകയും ചെയ്യും. ഇതും വിശ്വാസത്തിന്റെ ഒരു വേലയാണ്. വിശ്വാസമുള്ളവർ വിശ്വാസമില്ലാത്തവരിൽ നിന്ന് വളരെ വ്യത്യസ്തരാണ്. തങ്ങൾക്ക് വിശ്വാസമുണ്ടാകുന്നതിന് മുമ്പ്, ചിലർ പാപകരമായ കാര്യങ്ങളിൽ ആസക്തരായിരുന്നു. ഇപ്പോൾ അവർക്ക് വിശ്വാസമുള്ളതിനാൽ, അവർക്ക് ഇനിമേൽ ഈ കാര്യങ്ങളിൽ ആസക്തരാകുവാൻ കഴിയില്ല. സ്വമേധയാ, വിശ്വാസത്തിന്റെ ഒരു പ്രവർത്തനമായി, ഒരു വേലയായി, അവർ ആ കാര്യങ്ങളിൽ നിന്ന് വിട്ടുനിൽക്കുന്നു. മറ്റുള്ളവർ രക്ഷിക്കപ്പെടുന്നതിന് മുമ്പ് നല്ല അയൽക്കാരായിരുന്നില്ല. എന്നാൽ അവർ രക്ഷിക്കപ്പെടുകയും അവർക്ക് വിശ്വാസമുണ്ടാകുകയും ചെയ്തതിന് ശേഷം, അവർ വളരെ ദയയുള്ളവരും, സൗമ്യരും, സ്നേഹമുള്ളവരും, പരിഗണനയുള്ളവരുമായിത്തീർന്നു. അവരോട് വ്യത്യസ്തരായിരിക്കുവാൻ ആരും പഠിപ്പിച്ചില്ല. ആ മാറ്റം അവരിലുള്ള വിശ്വാസത്താൽ ഉൽപാദിപ്പിക്കപ്പെട്ടതായിരുന്നു. വിശ്വാസം അവർ മറ്റുള്ളവർക്ക്, പ്രത്യേകിച്ച് മറ്റ് വിശ്വാസികൾക്ക് സഹായകരമായിരിക്കുവാൻ കാരണമായി. ഇത് വിശ്വാസത്തിന്റെ വേലയുടെ മറ്റൊരു ചിത്രമാണ്.