മനുഷ്യരിൽ നിന്ന് മഹത്വം അന്വേഷിക്കുക എന്നത് ഓരോ ക്രിസ്തീയ വേലക്കാരനും ഒരു യഥാർത്ഥ പരീക്ഷയാണ്. പലരും ഈ കാര്യത്താൽ വിഴുങ്ങപ്പെടുകയും നശിപ്പിക്കപ്പെടുകയും ചെയ്തിട്ടുണ്ട്. പ്രത്യക്ഷത്തിൽ മനുഷ്യരിൽ നിന്ന് മഹത്വം അന്വേഷിക്കുന്നത് അത്യാഗ്രഹം പോലെ തിന്മയായ ഒന്നല്ല. എങ്കിലും, അത് കൂടുതൽ വഞ്ചനാപരമാണ്. പ്രധാന ദൂതന്റെ വീഴ്ച മഹത്വം അന്വേഷിച്ചതുകൊണ്ടായിരുന്നു. തന്റെ മഹത്വം-അന്വേഷണം കാരണമാണ് അവൻ ദൈവത്തിന്റെ പ്രതിയോഗിയായി തീർന്നത്. വളരെ ഉന്നതമായ സ്ഥാനമുള്ള ഒരു പ്രധാന ദൂതനായിരുന്നിട്ടും, അവൻ എപ്പോഴും മഹത്വം അന്വേഷിക്കുകയായിരുന്നു. അതായിരുന്നു അവന്റെ വീഴ്ചയുടെ കാരണം. പുതിയ നിയമപ്രകാരം, മനുഷ്യരിൽ നിന്ന് മഹത്വം അന്വേഷിക്കുന്ന ഏതൊരാളും സാത്താന്റെ അനുയായിയാണ്. മഹത്വം അന്വേഷിക്കുന്നത് ക്രിസ്തീയ വേലക്കാരെ കുടുക്കുവാനായി സാത്താൻ വിരിച്ച ഒരു കെണിയാണ്. ആകയാൽ, എല്ലാ ക്രിസ്തീയ വേലക്കാരും മഹത്വം-അന്വേഷിക്കുന്ന കെണിയെ ഒഴിവാക്കുവാൻ പഠിക്കുക എന്നത് വളരെ പ്രധാനമാണ്. എങ്കിലും, അധികമാരും ഈ കെണിയിൽ നിന്ന് രക്ഷപ്പെട്ടിട്ടില്ല. നാം എത്രത്തോളം കർത്താവിനാൽ ഉപയോഗിക്കപ്പെടും എന്നും നമ്മുടെ ഉപയുക്തത എത്രത്തോളം നീണ്ടുനിൽക്കും എന്നും ഉള്ളത് നാം മനുഷ്യരിൽ നിന്ന് മഹത്വം അന്വേഷിക്കുന്നുവോ എന്നതിനെ ആശ്രയിച്ചിരിക്കുന്നു. നാം മഹത്വം അന്വേഷിക്കുകയാണെങ്കിൽ, കർത്താവിന്റെ കയ്യിൽ നമ്മുടെ ഉപയുക്തത അവസാനിച്ചുകഴിഞ്ഞു. സ്വയത്തിനുവേണ്ടിയുള്ള മഹത്വം അന്വേഷണം എപ്പോഴും ഒരുവന്റെ ഉപയുക്തതയെ കൊല്ലുന്നു. ആകയാൽ, നാം എല്ലാവരും, പ്രത്യേകിച്ച് ചെറുപ്പക്കാർ, കർത്താവിന്റെ വേലയിൽ ഒരിക്കലും മഹത്വം അന്വേഷിക്കരുത് എന്ന് മുന്നറിയിപ്പ് ലഭിച്ചവരായിരിക്കാം.