[ഭാഗം 3] വരുവാനിരിക്കുന്ന ഈ വിനാശം [മുകളിലെ 3-ാം വാക്യത്തിലെ] എന്താണെന്ന് കണ്ടെത്തുവാൻ ഇനി നാം മുന്നോട്ട് പോകണം. ഈ വിനാശം ദൈവത്തിനും സാത്താനും ഇടയിലുള്ള കടുത്ത പോരാട്ടത്തോട് ബന്ധപ്പെട്ടിരിക്കുന്നു. കർത്താവിന്റെ വരവിന്റെ സമയത്തോട് അടുത്ത്, വിനാശം പെട്ടെന്ന് സംഭവിക്കും. ആ വിനാശം പ്രാഥമികമായി ദൈവത്തിൽ നിന്ന് വരും, എന്നാൽ അതിന്റെ ഒരു പങ്ക് സാത്താനാൽ ഉണ്ടാക്കപ്പെടും. ദൈവം ഈ മത്സരമുള്ള ലോകത്തെ ന്യായവിധിക്കുകയും, അപ്പോൾ സാത്താൻ തിരികെ പോരാടുകയും ചെയ്യും. ദൈവത്തിനും സാത്താനും ഇടയിലുള്ള കടുത്ത പോരാട്ടത്തിന്റെ ഫലം പെട്ടെന്നുള്ള വിനാശമായിരിക്കും. മനുഷ്യർ "സമാധാനം എന്നും സുരക്ഷിതം എന്നും" പറയുമ്പോഴായിരിക്കും ഈ വിനാശം പെട്ടെന്ന് വരുന്നത്. ഈ പെട്ടെന്നുള്ള വിനാശത്തിൽ നിന്ന് നാം രക്ഷിക്കപ്പെടേണ്ടതുണ്ട്. അതിൽ നിന്ന് രക്ഷിക്കപ്പെടുവാനുള്ള വഴി ഉണർന്നും സുബോധത്തോടെയുമിരിക്കുക എന്നതാണ്. ദൈവം പോരാടുമ്പോൾ, നാം അവന്റെ പക്ഷം ചേർന്ന് അവന്റെ താൽപ്പര്യങ്ങൾക്കായി പോരാടുകയും വേണം. അവൻ പോരാടുന്നതിനാൽ, നാമും പോരാടേണ്ടതുണ്ട്. വാസ്തവത്തിൽ, പോരാടുക എന്നാൽ ഉണർന്നിരിക്കുക എന്നതാണ്. പോരാടുന്നവർ മാത്രമേ യഥാർത്ഥത്തിൽ ഉണർന്നിരിക്കുന്നവരായിരിക്കുന്നുള്ളൂ. സഭാജീവിതത്തിനായുള്ള വിശുദ്ധ ജീവിതമായ, ക്രിസ്തീയ ജീവിതം, പോരാട്ടത്തിന്റെ ഒരു ജീവിതമാകുന്നു. നാം യുദ്ധക്കളത്തിലാണ്, നാം ജാഗ്രതയുള്ളവരും, ഉണർന്നും സുബോധത്തോടെയുമായിരിക്കേണ്ടതുണ്ട്.