ക്രിസ്തീയ ജീവിതം ആത്മാവിനാൽ പ്രചോദിപ്പിക്കപ്പെടുകയും ഉണർത്തപ്പെടുകയും ചെയ്യുന്ന ഒരു ജീവിതമാണ്. ദിവസത്തിലുടനീളം ആത്മാവ് നമ്മെ പ്രചോദിപ്പിക്കുകയും, നമ്മെ ഉണർത്തുകയും, നമ്മിൽ ചലിക്കുകയും പ്രവർത്തിക്കുകയും ചെയ്യണം. അതിനാൽ, ആത്മാവിനെ കെടുത്തുന്നതിനു പകരം, നമ്മിലുള്ള അഗ്നിയെ നാം വീശി ജ്വലിപ്പിക്കേണം. "കെടുത്തുക" എന്ന വാക്ക് അഗ്നിയെ സൂചിപ്പിക്കുന്നു. ആത്മാവ് നമ്മിൽ കത്തുന്നു. നാം ഈ അഗ്നിയെ കെടുത്തരുത്, പകരം നാം അതിനെ വീശി ജ്വലിപ്പിക്കണം. സഭാജീവിതത്തിനായി ഒരു വിശുദ്ധ ജീവിതം നാം ജീവിക്കണമെങ്കിൽ, ദൈവത്തിന്റെ വ്യാപാരത്തോട് നാം സഹകരിക്കേണ്ടതുണ്ട്. ദൈവം ഇപ്പോൾ നമ്മിൽ വസിക്കുന്നു. ഉൾവസിക്കുന്ന ത്രിയേക ദൈവം എല്ലായ്‌പ്പോഴും നമ്മിൽ വ്യാപരിക്കുന്നു. നാം ആത്മാവിനെ കെടുത്തുവാൻ പാടില്ല എന്നതിന്റെ കാരണം ഇതാണ്. ആത്മാവിന്റെ അകമേയുള്ള കത്തൽ നമ്മിൽ ത്രിയേക ദൈവത്തിന്റെ വ്യാപാരമാണ്, ആ വ്യാപാരത്തോട് നാം സഹകരിക്കേണ്ടതുണ്ട്. 12 മുതൽ 22 വരെയുള്ള വാക്യങ്ങളിൽ ഉൾപ്പെട്ടിരിക്കുന്ന എല്ലാ കാര്യങ്ങളും കരുതികൊണ്ടാണ് നാം സഹകരിക്കുന്നത്. നമ്മുടെ ഭാഗത്ത്, നാം സഹകരിക്കേണ്ടതുണ്ട്. ദൈവത്തിന്റെ ഭാഗത്ത്, ദൈവം നമ്മിൽ വ്യാപരിക്കുന്നു. സമാധാനത്തിന്റെ ദൈവം താൻതന്നെ നമ്മെ മുഴുവനായും വിശുദ്ധീകരിക്കും. ത്രിയേക ദൈവം ഉൾവസിക്കുന്നു, അവനാൽ ഉൾവസിക്കപ്പെട്ടവരാണ് നാം. അതിനാൽ, രണ്ട് വശങ്ങൾ ഉണ്ടായിരിക്കണം: ദൈവത്തിന്റെ വശവും നമ്മുടെ വശവും. അവൻ വ്യാപരിക്കുന്നു, അവന്റെ വ്യാപാരത്തോട് നാം സഹകരിക്കുന്നു.