ഇവിടെ മൂന്ന് മടങ്ങായുള്ള ഒരു കുറ്റാരോപണമാണ് നമുക്കുള്ളത്. ഒന്നാമതായി, പൗലൊസിനെ ഒരു കീടമായി തെർത്തുല്ലൊസ് കുറ്റപ്പെടുത്തി. ഒരു കീടം ദോഷകരമായ "കീടാണുക്കളാൽ" നിറഞ്ഞ ഒന്നാണ്. എന്നാൽ പൗലൊസ് അനുകൂലമായ കീടാണുക്കളാൽ – ക്രിസ്തുവിനെ മറ്റുള്ളവരിലേക്ക് പകർന്നു നൽകിക്കൊണ്ട് ക്രിസ്തുവിന്റെ പ്രചാരണത്തിനായി പുനരുത്ഥാനം ചെയ്ത ക്രിസ്തുവിന്റെ കീടാണുക്കളാൽ നിറഞ്ഞവനായിരുന്നു. നാമെല്ലാവരും അത്തരം "കീടങ്ങൾ" ആയിരിക്കണം. രണ്ടാമതായി, തെർത്തുല്ലൊസ് പൗലോസിന് "ഇളക്കി വിടുന്നവൻ" എന്ന വിശേഷണം നൽകി. ആൾപ്പാർപ്പുള്ള ഭൂമിയിലെങ്ങുമുള്ള എല്ലാ യെഹൂദന്മാരുടെയും ഇടയിൽ പ്രക്ഷോഭങ്ങളെ ഇളക്കി വിടുന്നവനാണ് പൗലോസ് എന്ന് അവൻ കുറ്റപ്പെടുത്തി. മൂന്നാമതായി, നസറായരുടെ മതഭേദത്തിന്റെ തലവനാണ് പൗലോസ് എന്ന് തെർത്തുല്ലൊസ് അവകാശപ്പെട്ടു. ഇവിടെ "മതഭേദം" എന്ന വാക്ക് ഇന്നത്തെ "മതവിഭാഗം" എന്ന പദത്തിന് ഒരു പരിധി വരെ തുല്യമാണ്. യഹൂദന്മാർ കർത്താവായ യേശുവിലുള്ള വിശ്വാസികളെ നസറായരായിട്ടാണ് കരുതിയിരുന്നത് എന്ന് തെർത്തുല്ലൊസിന്റെ വാക്കുകൾ സൂചിപ്പിക്കുന്നു. പ്രവൃത്തികൾ പതിമൂന്നാം അധ്യായത്തിൽ വിശ്വാസികൾ അന്ത്യൊക്യയിൽ വെച്ച് ആദ്യമായി ക്രിസ്ത്യാനികൾ എന്ന് വിളിക്കപ്പെട്ടു. ക്രിസ്ത്യാനികൾ എന്നാൽ ക്രിസ്തു-മനുഷ്യരാണ്, ക്രിസ്തുവിനെ ജീവിക്കുന്നവരാണ്. ഇവിടെ യഹൂദന്മാരുടെ നിയമജ്ഞൻ വിശ്വാസികൾക്ക് മറ്റൊരു വിളിപ്പേര് നൽകുന്നു—നസറായന്മാർ. ഈ വിളിപ്പേരിന്റെ ഉപയോഗം സൂചിപ്പിക്കുന്നത് വിശ്വാസികൾ നസറായനായ യേശുവിന്റെ അനുയായികളായി കണക്കാക്കപ്പെട്ടിരുന്നു എന്നാണ്.