പാപമില്ലാത്ത ഒരു ജീവിതം നയിക്കുവാൻ, നാം ദിവസവും ക്രിസ്തുവിനെ പുളിപ്പില്ലാത്ത അപ്പമായി ഭക്ഷിക്കണം. നാം എന്ത് ഭക്ഷിക്കുന്നുവോ നാം അതായിത്തീരുന്നതിനാൽ, പുളിപ്പില്ലാത്ത അപ്പം നാം ഭക്ഷിക്കുകയാണെങ്കിൽ, ഒടുവിൽ നാം പുളിപ്പില്ലാത്ത അപ്പം കൊണ്ട് സംരചിക്കപ്പെടും. അപ്പോൾ നാം പുളിപ്പില്ലാത്ത ജീവിതം നയിക്കും. നമ്മുടെ ശ്രോതസ്സായ ക്രിസ്തു പുളിപ്പില്ലാത്തവനായതിനാൽ, നാം അവനെ ദിവസവും ഭക്ഷിച്ചാൽ, നമുക്ക് പുളിപ്പില്ലാത്ത ഒരു സഭാജീവിതം നയിക്കുവാൻ കഴിയും.

ക്രിസ്തുവിൽ നാം പുളിപ്പില്ലാത്തവരാണെങ്കിലും, നമ്മുടെ സ്വാഭാവിക ആളത്തമനുസരിച്ച് നാം പുളിപ്പുള്ള അപ്പം കൊണ്ട് നിറഞ്ഞിരിക്കുന്നു. നാം പുളിപ്പില്ലാത്ത അപ്പമാണോ അതോ പുളിപ്പുള്ള അപ്പമാണോ ഭക്ഷിക്കുന്നത് എന്നതാണ് നിർണായകമായ ചോദ്യം. മറ്റൊരു വിധത്തിൽ പറഞ്ഞാൽ, നാം ക്രിസ്തുവിനെ ജീവിക്കുന്നുവോ അതോ നാം നമ്മെത്തന്നെ ജീവിക്കുന്നുവോ? നാം ക്രിസ്തുവിനെ ജീവിക്കുന്നുവെങ്കിൽ, നാം പുളിപ്പില്ലാത്ത അപ്പം ഭക്ഷിക്കുന്നു, എന്നാൽ നാം നമ്മെത്തന്നെ ജീവിക്കുന്നുവെങ്കിൽ, നാം പുളിപ്പുള്ള അപ്പം ഭക്ഷിക്കുന്നു.

വെളിപ്പാട് 14 ലെ വിവരണമനുസരിച്ച്, ആദ്യഫലം കർത്താവായ യേശുവിനാൽ സാന്ദ്രീകരിക്കപ്പെട്ട വിശുദ്ധന്മാരാണ്. അവർ പക്വത പ്രാപിക്കുന്നതുവരെയും ക്രിസ്തുവിനെക്കൊണ്ട് പൂർണ്ണമായി കൈവശമാക്കപ്പെടുകയും ക്രിസ്തുവിനാൽ പിടിക്കപ്പെടുകയും ചെയ്യപ്പെട്ടവരാണ്.

കർത്താവായ യേശു മടങ്ങിവരുമ്പോൾ, മൂന്ന് തരം ക്രിസ്ത്യാനികൾ ഉണ്ടായിരിക്കും: വ്യാജ ക്രിസ്ത്യാനികൾ, യഥാർത്ഥവും ജയാളികളുമായ ക്രിസ്ത്യാനികൾ, യഥാർത്ഥവും എന്നാൽ പരാജയപ്പെട്ടതുമായ ക്രിസ്ത്യാനികൾ. നാം വ്യാജ ക്രിസ്ത്യാനികളോ പരാജയപ്പെട്ട ക്രിസ്ത്യാനികളോ ആകാതെ, മറിച്ച് ജയിക്കുന്നവരാകുവാൻ കർത്താവ് നമ്മോട് കരുണ കാണിക്കട്ടെ.

യുഗത്തിന്റെ പരിണതിയുടെ സമയത്ത്, ക്രിസ്ത്യാനികളിൽ രണ്ട് വിഭാഗങ്ങൾ ഉണ്ടായിരിക്കും. യഥാർത്ഥ ക്രിസ്ത്യാനികൾ, അതായത് വീണ്ടുംജനിച്ചവരും, വ്യാജ ക്രിസ്ത്യാനികൾ, അതായത് കളകളും ഉണ്ടായിരിക്കും. യഥാർത്ഥവും നിർവ്യാജരുമായ ക്രിസ്ത്യാനികളിലും വീണ്ടും വർഗ്ഗീകരണം ഉണ്ടാകും. ഇവരിൽ ചിലർ ജയാളികളായ ക്രിസ്ത്യാനികളായിരിക്കും, മറ്റുള്ളവർ പരാജിതരായ ക്രിസ്ത്യാനികളായിരിക്കും. അവർ യഥാർത്ഥ ക്രിസ്ത്യാനികളാണ്, പക്ഷേ അവർ പരാജയപ്പെട്ടവരാണ്. അവർ യഥാർത്ഥ ക്രിസ്ത്യാനികളാണ്, പക്ഷേ അവരുടെ ക്രിസ്തീയ ജീവിതം ഒരു പരാജയമാണ്. അങ്ങനെ, കർത്താവ് മടങ്ങിവരുമ്പോൾ, നാം ഒന്നുകിൽ ജയാളികളോ അല്ലെങ്കിൽ പരാജിതരോ ആയിരിക്കും.

രാജ്യത്തിന്റെ പ്രത്യക്ഷത എന്നത് രാജ്യത്തിന്റെ യാഥാർത്ഥ്യത്തിന്റെ മാറ്റപ്പെടൽ മാത്രമാണ്. അടുത്ത യുഗത്തിൽ, രാജ്യത്തിന്റെ യാഥാർത്ഥ്യം രാജ്യത്തിന്റെ പ്രത്യക്ഷതയായി മാറും. രാജ്യത്തിന്റെ യാഥാർത്ഥ്യം രാജ്യത്തിന്റെ പ്രത്യക്ഷതയിലേക്ക് മാറ്റപ്പെടുന്ന സമയത്ത്, രാജ്യത്തിന്റെ ബാഹ്യഭാവം (മത്താ. 13:41-42) കത്തിയെരിഞ്ഞില്ലാതാവും .

വിവേകമുള്ള കന്യകമാർക്കുള്ള പ്രതിഫലം വിവാഹവിരുന്നിന്റെ ആസ്വാദനമാണ്. വിശ്വസ്തരായ അടിമകൾക്കുള്ള പ്രതിഫലം കർത്താവിന്റെ സന്തോഷവും ജാതികളുടെമേലുള്ള ഭരണവും അധികാരവുമാണ്. കർത്താവായ യേശു വരുമ്പോൾ നിങ്ങൾക്ക് പ്രതിഫലം ലഭിക്കുമെന്ന് നിങ്ങൾക്ക് ഉറപ്പുണ്ടോ? പ്രതിഫലം നമ്മുടെ പ്രവൃത്തികളെ അടിസ്ഥാനമാക്കിയുള്ളതായിരിക്കും. രക്ഷിക്കപ്പെട്ടതിനുശേഷം നാം എങ്ങനെ ജീവിക്കുന്നു, നടക്കുന്നു, പ്രവർത്തിക്കുന്നു, കർത്താവിനുവേണ്ടി വേല ചെയ്യുന്നു എന്നതാണ് കർത്താവ് നമുക്ക് പ്രതിഫലം നൽകുന്നതിനുള്ള അടിസ്ഥാനം.

സഹസ്രാബ്ദ രാജ്യത്തിന്റെ ആരംഭത്തിൽ, വിവാഹ വിരുന്നിലേക്കും രാജ്യത്തിന്റെ വാഴ്ചയിലേക്കും, അവന്റെ സന്തോഷത്തിലേക്കും പ്രവേശിക്കുവാൻ നമ്മെ അനുവദിക്കണമോ വേണ്ടയോ എന്ന് തീരുമാനിക്കുവാൻ കർത്താവ് അവന്റെ വിശ്വാസികളായ നമ്മുടെ എല്ലാവരുടെയുമേൽ, തന്റെ ന്യായവിധി നടത്തും. കൂടാതെ, നാം എന്തെങ്കിലും ശിക്ഷ അനുഭവിക്കണമോ വേണ്ടയോ എന്ന് അവൻ തീരുമാനിക്കും. ഇന്ന് നാം രാജ്യത്തിന്റെ യാഥാർത്ഥ്യത്തിലാണ് ജീവിക്കുന്നതെങ്കിൽ, കർത്താവായ യേശു മടങ്ങിവരുമ്പോൾ, അവൻ നമ്മെ രാജ്യത്തിന്റെ പ്രത്യക്ഷതയിലേക്ക് ക്ഷണിക്കുകയും, നമുക്ക് പ്രതിഫലം ലഭിക്കുകയും ചെയ്യും. ഇല്ലെങ്കിൽ, വിവാഹ വിരുന്നിന്റെ പ്രതിഫലം നമുക്ക് നഷ്ടമാകുകയും, കൂടാതെ നാം ചില ശിക്ഷണം അനുഭവിക്കുകയും ചെയ്യും.

പത്തു കന്യകമാരുടെ ഉപമ പ്രകാരം, നാം മൂഢരാണെങ്കിൽ, വിവാഹവിരുന്നിന്റെ ആസ്വാദനം നമുക്ക് നഷ്ടമാകും. മാത്രവുമല്ല, താലന്തുകളുടെ ഉപമ പ്രകാരം, നമുക്ക് എന്തെങ്കിലും നഷ്ടമാകുമെന്ന് മാത്രമല്ല, നമുക്ക് ചില കഷ്ടത നേരിടേണ്ടിയും വരും. എന്തെങ്കിലും നഷ്ടമാകുന്ന കാര്യം മാത്രമല്ല, ശിക്ഷ അനുഭവിക്കുന്നതുമായ കാര്യം കൂടിയാണ്.

താലന്തുകളുടെ ഉപമയിൽ, ഒരു താലന്തുള്ള ദാസന് സന്തോഷം നഷ്ടപ്പെടുകയും, കരച്ചിലും പല്ലുകടിയും ഉണ്ടായിരുന്ന ഇരുട്ടിലേക്ക് അവൻ തള്ളപ്പെടുകയും ചെയ്തു. ഈ ഇരുട്ട് എവിടെയായിരിക്കുമെന്നും ഇത് എങ്ങനെയുള്ള ഇരുട്ടായിരിക്കുമെന്നും ദയവായി എന്നോട് ചോദിക്കരുത്. എനിക്ക് പറയുവാൻ അറിയില്ല. പക്ഷേ, കർത്താവിന്റെ വായിൽ നിന്ന് അത്തരമൊരു വചനം വന്നിട്ടുണ്ടെന്നും വിശുദ്ധ തിരുവെഴുത്തുകളിൽ അത്തരമൊരു വചനം എഴുതിയിട്ടുണ്ടെന്നും എനിക്കറിയാം. നിങ്ങൾ യോഹന്നാൻ 3:16 വിലമതിക്കുന്നുവെങ്കിൽ, മത്തായി 25:28-30-ഉം വിലമതിക്കണം. നിങ്ങളുടെ സ്വന്തം അഭിരുചിക്കനുസരിച്ച് കർത്താവിന്റെ ചില വചനങ്ങൾ നിങ്ങൾക്ക് വെറുതെ എടുക്കുവാൻ കഴിയില്ല.