രാജ്യത്തിന്റെ മൂന്ന് വശങ്ങളുണ്ട്—അതിന്റെ യാഥാർത്ഥ്യം, അതിന്റെ ഭാവം, രാജ്യത്തിന്റെ പ്രത്യക്ഷത. നാമെല്ലാവരും രാജ്യത്തിന്റെ സുവിശേഷം സ്വീകരിക്കേണ്ടതുണ്ട്. നാം ജീവന്റെ സുവിശേഷവും കൃപയുടെ സുവിശേഷവും സ്വീകരിച്ചവരാണ്, എന്നാൽ നാം രാജ്യത്തിന്റെ സുവിശേഷവും സ്വീകരിക്കണം. ഒരു ദിവസം രാജ്യം പ്രത്യക്ഷമാകും. ആ പ്രത്യക്ഷതയിൽ നാം ഉൾപ്പെടുത്തപ്പെടുമോ അതോ ഒഴിവാക്കപ്പെടുമോ എന്നത് ഒരു ചെറിയ കാര്യമല്ല. രാജ്യത്തിന്റെ ഈ കാര്യത്തോട് ഇടപെടുവാൻ നാമെല്ലാവരും മാനസാന്തരപ്പെടുകയും നമ്മെത്തന്നെ സമർപ്പിക്കുകയും വേണം.

മത്തായിയുടെ സുവിശേഷം സ്വർഗ്ഗരാജ്യത്തിന്റെ മൂന്ന് വശങ്ങൾ വെളിപ്പെടുത്തുന്നു. മത്തായി 5, 6, 7 എന്നിവയിൽ രാജ്യത്തിന്റെ യാഥാർത്ഥ്യം നാം കാണുന്നു. എന്നാൽ, മത്തായി 13-ൽ രണ്ടാമത്തെ വശത്ത് മൂന്ന് ഭയാനകമായ കാര്യങ്ങളുണ്ട്: കളകൾ, അനുപാതമില്ലാതെ വളരുന്ന വലിയ വൃക്ഷം, നേരിയ മാവിൽ ചേർത്ത പുളിപ്പ്. ആദ്യത്തെ വശം രാജ്യത്തിന്റെ യാഥാർത്ഥ്യമാണ്, രണ്ടാമത്തെ വശം രാജ്യത്തിന്റെ ബാഹ്യഭാവമാണ്. മത്തായിയുടെ അവസാന ഭാഗം മത്തായി 25-ലെ ഉപമകളിൽ കാണുന്നതുപോലെ കർത്താവായ യേശു ഭൂമിയിലേക്ക് മടങ്ങിവരുമ്പോഴുള്ള രാജ്യത്തിന്റെ പ്രത്യക്ഷതയെക്കുറിച്ചാണ്.

നിങ്ങളുടെ ആത്മാവിനെ നിങ്ങൾ എപ്പോൾ ഉപയോഗിക്കുന്നു എന്ന് നിങ്ങൾക്ക് എങ്ങനെ അറിയുവാൻ സാധിക്കും? നിങ്ങൾ എന്തുതന്നെ ചെയ്താലും, നിങ്ങൾ ദൈവത്തിൽ നിന്ന് സ്വതന്ത്രനാണെങ്കിൽ, നിങ്ങൾ അത് ചെയ്യുമ്പോൾ അവനെ ബന്ധപ്പെടുന്നില്ലെങ്കിൽ, നിങ്ങൾ ആത്മാവിലല്ലെന്ന് അത് തെളിയിക്കുന്നു. ഞാൻ നടക്കുന്നിടത്തോളം ഞാൻ എന്റെ കാലുകൾ ഉപയോഗിക്കുന്നു; ഞാൻ കാണുന്നിടത്തോളം ഞാൻ എന്റെ കണ്ണുകൾ ഉപയോഗിക്കുന്നു; ഞാൻ ദൈവത്തെ ബന്ധപ്പെടുന്നിടത്തോളം ഞാൻ എന്റെ ആത്മാവിനെ ഉപയോഗിക്കുന്നു, കാരണം എന്റെ ആത്മാവാണ് ഞാൻ അവനെ ബന്ധപ്പെടുന്നതായ അവയവം (യോഹ. 4:24). ഞാൻ കാണുന്നുവെങ്കിൽ, അതിനർത്ഥം എന്റെ കണ്ണുകൾ വ്യായാമം ചെയ്യുന്നു എന്നാണ്. അതുപോലെ, ഞാൻ ദൈവത്തെ ബന്ധപ്പെടുന്നുണ്ടെങ്കിൽ, ഞാൻ എന്റെ ആത്മാവിനെ വ്യായാമം ചെയ്യുന്നുണ്ട്.

ദൈവത്തോട് അനിഷ്ടം തോന്നുവാനായ് സാത്താൻ മനുഷ്യന്റെ വികാരത്തെ ഉണർത്തി. ഉല്പ 3:5 ഇത് തെളിയിക്കുന്നു, അവിടെ സാത്താൻ ഹവ്വായോട് പറഞ്ഞു, “അതു തിന്നുന്ന നാളിൽ നിങ്ങളുടെ കണ്ണു തുറക്കയും നിങ്ങൾ നന്മതിന്മകളെ അറിയുന്നവരായി ദൈവത്തെപ്പോലെ ആകയും ചെയ്യും എന്നു ദൈവം അറിയുന്നു എന്നു പറഞ്ഞു.” ഈ വാക്ക് തിന്മയുടെ ഒരു വാക്കാണ്, അത് ദൈവത്തോട് അനിഷ്ടം തോന്നുവാൻ ഹവ്വായുടെ വികാരത്തെ ഉണർത്തി. ദൈവം തന്നിൽ നിന്ന് എന്തോ നല്ല കാര്യം മറച്ചുവെച്ചിട്ടുണ്ടെന്ന് ഹവ്വായ്ക്ക് തോന്നിയിരിക്കാം. മനുഷ്യ വികാരത്തെ വിഷലിപ്തമാക്കുവാനുള്ള ശത്രുവിന്റെ തന്ത്രമാണിത്.

[ഉല്പത്തി 3-ൽ] ദൈവത്തിന്റെ തന്ത്രശാലിയായ പ്രതിയോഗി സ്ത്രീയെ, അതായത് ദുർബലമായ പാത്രത്തെ, അവളുടെ മനസ്സിനെ സ്പർശിച്ചുകൊണ്ടാണ് സമീപിച്ചത്. സാത്താൻ എപ്പോഴും ആളുകളുടെ സംശയാസ്പദമായ മനസ്സിനെ സ്പർശിച്ചുകൊണ്ടാണ് അവരെ സമീപിക്കുന്നത്. ഹവ്വാ തന്റെ ആത്മാവ് ഉപയോഗിക്കാതിരിക്കുവാൻ സാത്താൻ ഇത് ചെയ്തു. ദൈവം നമ്മുടെ അടുക്കൽ വരുമ്പോൾ, അവൻ എപ്പോഴും നമ്മുടെ ആത്മാവിനെ സ്പർശിക്കുന്നു. സാത്താൻ നമ്മുടെ അടുക്കൽ വരുമ്പോൾ, അവൻ എപ്പോഴും നമ്മുടെ മനസ്സിലേക്കാണ് വരുന്നത്. ദൈവം നമ്മെ സ്പർശിക്കുവാൻ വരുന്ന "മുറി" നമ്മുടെ ആത്മാവാണ്, സാത്താൻ നമ്മെ സ്പർശിക്കുവാൻ വരുന്ന "മുറി" നമ്മുടെ മനസ്സാണ്. സാത്താൻ എപ്പോഴും മനുഷ്യന്റെ മനസ്സിനെ സ്പർശിക്കുവാനായ് വരുന്നു.

കാടകൾ വൈകുന്നേരമാണ് വന്നത്, പക്ഷേ മന്ന രാവിലെയാണ് അയക്കപ്പെട്ടത് [പുറ. 16:21]... മന്ന രാവിലെ വന്നു എന്ന വസ്തുത സൂചിപ്പിക്കുന്നത് അത് നമുക്ക് ഒരു പുതിയ തുടക്കം നൽകുന്നു എന്നാണ്. ഭൂമി ദിവസവും അതിന്റെ അച്ചുതണ്ടിൽ കറങ്ങുന്നതിനാൽ, എല്ലാ ദിവസവും നമുക്ക് ഒരു പുതിയ തുടക്കം, ഒരു പുതിയ തിരിവ് ലഭിക്കുന്നു... ദൈവം വർഷം തോറുമാണ് മന്ന അയച്ചിരുന്നതെങ്കിൽ, നമുക്ക് നിലനിൽക്കുവാൻ കഴിയുകയില്ല... ദിവസവും മന്ന അയയ്ക്കുന്നതിന് കർത്താവിന് നന്ദി പറയുന്നു. എല്ലാ ദിവസവും രാവിലെ നമുക്ക് ഒരു പുതിയ തുടക്കം ഉണ്ടാകുവാൻ സാധിക്കും. നമ്മുടെ ആത്മിക അനുഭവത്തിൽ നമുക്ക് ഈ ദൈനംദിന തിരിവുകൾ, ഈ ദൈനംദിന പുതിയ തുടക്കങ്ങൾ ആവശ്യമാണ്.

മിസ്രയീമിൽ നിന്നുള്ള തങ്ങളുടെ പുറപ്പാടിന് മുമ്പ്, യിസ്രായേൽ മക്കൾക്ക് ഒരു മിസ്രയീമ്യ സംരചന ഉണ്ടായിരുന്നു. [മിസ്രയീമ്യ] ഭക്ഷണക്രമം യിസ്രായേൽ മക്കളെ അവരുടെ സംരചനയിൽ മിസ്രയീമ്യർ ആക്കി മാറ്റി. ഭൗമിക ഭക്ഷണക്രമത്തിൽ നിന്ന് സ്വർഗ്ഗീയ ഭക്ഷണക്രമത്തിലേക്ക് മാറ്റുന്നതിനായി ദൈവം യിസ്രായേൽ മക്കൾക്ക് മന്ന ഭക്ഷിക്കുവാൻ നൽകി. യിസ്രായേൽ മക്കൾ മരുഭൂമിയിൽ നാല്പത് വർഷം യാത്ര ചെയ്തപ്പോൾ, ദിവ്യ ഭക്ഷണക്രമം അവരുടെ മിസ്രയീമ്യ ഭക്ഷണക്രമത്തെ മാറ്റിസ്ഥാപിച്ചു. അവരുടെ ഭക്ഷണക്രമത്തിലെ മാറ്റത്തിലൂടെ, യിസ്രായേൽ മക്കൾ സ്വർഗ്ഗീയ ഭക്ഷണക്രമത്തിന്റെ ഒരു സംരചനയായി മാറി. അങ്ങനെ, അവർ ഒരു മിസ്രയീമ്യ ജനം അല്ല, മറിച്ച് ഒരു സ്വർഗ്ഗീയ ജനമായിത്തീർന്നു.

ഉല്പത്തി 3:1 കാണിക്കുന്നത് സാത്താൻ കൗശലക്കാരനായ സർപ്പത്തിൽ മറഞ്ഞിരുന്നു എന്നാണ്. സാത്താൻ എപ്പോഴും ഏതെങ്കിലും ചില കാര്യത്തിൽ, ഏതെങ്കിലും വിഷയത്തിലോ, അല്ലെങ്കിൽ ഏതെങ്കിലും വ്യക്തിയിലോ പോലും മറഞ്ഞിരിക്കുന്നു. മത്തായി 16-ൽ സാത്താൻ പത്രൊസിൽ മറഞ്ഞിരുന്നു, അതിനാൽ കർത്താവായ യേശു പത്രൊസിനെ "സാത്താൻ" എന്ന് പോലും വിളിച്ചു (വാ. 23). സാത്താൻ ആദ്യമായി മനുഷ്യന്റെ അടുക്കൽ വന്നപ്പോൾ, അവൻ ഒരു സർപ്പത്തിൽ മറഞ്ഞിരിക്കുകയായിരുന്നു.

സ്വന്തം ഭർത്താക്കന്മാർക്ക് കീഴ്‌പ്പെടുവാൻ ആവശ്യപ്പടുന്ന എഫെസ്യർ 5 ലെ വചനം എല്ലാ ക്രിസ്തീയ ഭാര്യമാർക്കും അറിയാം. എല്ലാ ക്രിസ്തീയ ഭർത്താക്കന്മാർക്കും തങ്ങളുടെ ഭാര്യമാരെ സ്നേഹിക്കുവാൻ ആവശ്യപ്പെടുന്ന വചനവും അറിയാം. എന്നിരുന്നാലും, ഭാര്യമാരും ഭർത്താക്കന്മാരും ഈ വാക്യങ്ങളുടെ ആവശ്യകതകൾ നിറവേറ്റുന്നതിൽ പരാജയപ്പെടുന്നു, കാരണം അവർ എഫെസ്യർ 5 നെ ജീവവൃക്ഷമായിട്ടല്ല, അറിവിന്റെ വൃക്ഷമായി എടുക്കുന്നതുകൊണ്ടാണ്. ഭാര്യാഭർത്താക്കന്മാരേ, നിങ്ങൾ അറിവിന്റെ വൃക്ഷത്തിനനുസരിച്ച് ജീവിക്കരുത്. നിങ്ങൾ ജീവവൃക്ഷത്താൽ ജീവിക്കണം.

വിശുദ്ധീകരണം വിശുദ്ധിയേക്കാൾ അധികമായതാണ്; അത് വ്യക്തിനിഷ്ഠവും അനുഭവപരവുമായ രീതിയിൽ വിശുദ്ധി "നമുക്ക്" ആയിരിക്കുന്നതാണ്. വിശുദ്ധി എന്നത് വിശുദ്ധി എന്ന ആ കാര്യത്തെ തന്നെ സൂചിപ്പിക്കുന്നു, എന്നാൽ വിശുദ്ധി നമ്മുടെ അനുഭവമായി മാറുന്നതാണ് വിശുദ്ധീകരണം. കർത്താവിന്റെ നാമം നിരന്തരം വിളിച്ചപേക്ഷിക്കുന്നതിലൂടെ, നാം ക്രിസ്തുവിനെ വ്യക്തിനിഷ്ഠമായ രീതിയിൽ നമ്മുടെ വിശുദ്ധിയായി നേടുകയും നമ്മുടെ ദൈനംദിന, മണിക്കൂർ തോറുമുള്ള വിശുദ്ധീകരണമായി അവനെ അനുഭവമാക്കുകയും ചെയ്യുന്നു. നമ്മുടെ ബാഹ്യഭാവം, നമ്മുടെ മനോഭാവം, നമ്മുടെ ബന്ധങ്ങൾ എന്നിവയുൾപ്പെടെ നമ്മുടെ ദൈനംദിന നടത്തത്തിന്റെ സകല വശങ്ങളും ക്രിസ്തുവായിരിക്കുന്നതിന്, നാം ദിനംപ്രതി ക്രിസ്തുവിനെ നമ്മുടെ വിശുദ്ധീകരണമായി അനുഭവമാക്കേണ്ടതുണ്ട്.