കേവലം യേശുവിന്റെ അനുയായികളെ മാത്രമാണ് താൻ പീഡിപ്പിക്കുന്നത് എന്ന് ശൗൽ കരുതി. ഇപ്പോൾ സ്വർഗ്ഗത്തിൽ നിന്ന് ഒരു ശബ്ദം വരികയും, സ്വർഗ്ഗത്തിലുള്ളവനായ തന്നെയാണ് അവൻ പീഡിപ്പിക്കുന്നതെന്ന് അവനോട് പറയുകയും ചെയ്തു. ശൗലിനെ ആശ്ചര്യപ്പെടുത്തിക്കൊണ്ട്, അവൻ ഒരു സ്വർഗീയ വെളിച്ചവും, ഒരു സ്വർഗീയ ശബ്ദവും, ഒരു സ്വർഗീയനായവനെയും അനുഭവമാക്കി. "ഞാൻ ഒരിക്കലും യേശുവിനെ പീഡിപ്പിച്ചിട്ടില്ല. മറിച്ച്, ഞാൻ സ്തെഫാനൊസിനെയും യേശുവിന്റെ മറ്റ് അനുയായികളെയുമാണ് പീഡിപ്പിച്ചത്. യേശു കല്ലറയിലാണെന്ന് ഞാൻ കരുതി, പക്ഷേ ഇപ്പോൾ അവൻ സ്വർഗ്ഗത്തിൽ നിന്ന് എന്റെ അടുക്കൽ വന്നു" എന്ന് ശൗൽ തന്നോടുത്തന്നെ ഒരുപക്ഷെ പറഞ്ഞിരിക്കാം. 9:4 അനുസരിച്ച്, കർത്താവായ യേശു ശൗലിനോട് ചോദിച്ചു, "നീ എന്നെ ഉപദ്രവിക്കുന്നത് എന്ത്?" ഇത് കർത്താവായ യേശുവും അവന്റെ എല്ലാ വിശ്വാസികളും അടങ്ങുന്ന ഒരു സംഘാതമായ "എന്നെ" ആണ്. ഇവർ [യേശുവിന്റെ അനുയായികൾ] വിശ്വാസത്തിലൂടെ അവനോട് പറ്റിച്ചേർന്നിരുന്ന് അവനോട് ഒന്നായിരുന്നതിനാൽ, ഇവരെ ഉപദ്രവിച്ചപ്പോൾ താൻ യേശുവിനെയാണ് ഉപദ്രവിച്ചതെന്ന് ശൗൽ അറിഞ്ഞില്ല. സ്വർഗത്തിലുള്ള ആരെയെങ്കിലും താൻ സ്പർശിച്ചു എന്ന് ഒരിക്കലും ചിന്തിക്കാതെ, ഭൂമിയിലുള്ള ആളുകളെയാണ് താൻ ഉപദ്രവിക്കുന്നതെന്ന് അവൻ കരുതി. അവൻ ഉപദ്രവമേൽപ്പിക്കുന്നത് തന്നേയാണെന്നും, തന്റെ പേര് യേശു എന്നാണെന്നും , അവനെ ആശ്ചര്യപ്പെടുത്തുന്ന വിധത്തിൽ സ്വർഗത്തിൽ നിന്നുള്ള ഒരു ശബ്ദം അവനോട് പറഞ്ഞു . അവന് ഇത് പ്രപഞ്ചത്തിലെ നിസ്തുല വെളിപാടായിരുന്നു! കർത്താവായ യേശുവും അവന്റെ വിശ്വാസികളും മഹത്തായ ഏക വ്യക്തിയാണ്—അത്ഭുതവാനായ “എന്നെ”—എന്ന് അവൻ ഇത് മുഖാന്തരം കാണുവാൻ തുടങ്ങി. ദൈവത്തിന്റെ വലിയ മർമമായ ക്രിസ്തുവിനെയും സഭയെയും (എഫെ. 5:32) സംബന്ധിച്ച അവന്റെ ഭാവി ശുശ്രൂഷയ്ക്കായി, ഇത് അവനിൽ മതിപ്പുളവാക്കുകയും അവനെ ബാധിക്കുകയും, അവന്റെ നിസ്തുല ശുശ്രൂഷയ്ക്ക് ഉറച്ച അടിസ്ഥാനമിടുകയും ചെയ്തിരിക്കണം.