ജാതീയ സ്ത്രീ ഇങ്ങനെ പറയുന്നതുപോലെ തുന്നുന്നു, "അതെ, കർത്താവേ, ഞാൻ ഒരു അശുദ്ധമായ, ജാതീയ നായയാണ്. എന്നാൽ, കർത്താവേ, നായ്ക്കൾക്കും അവരുടേതായ ഓഹരിയുണ്ട് എന്ന കാര്യം മറക്കരുത്. നായ്ക്കളുടെ ഓഹരി മക്കളുടെ ഓഹരിപോലെ മേശമേൽ അല്ല. മക്കളുടെ ഓഹരി മേശമേൽ ആണ്, എന്നാൽ നായ്ക്കളുടെ ഓഹരി മേശയുടെ കീഴിലാണ്. ഇപ്പോൾ, കർത്താവേ, നീ യിസ്രായേൽ ദേശത്ത്, മേശമേൽ അല്ല. നീ ജാതീയ ലോകത്ത്, മേശയുടെ അടിയിലാണ്. ഞാൻ എവിടെയാണോ നീ അവിടെത്തന്നെയാണ്. നീ മക്കൾ ഉള്ള മേശമേൽ അല്ല. നായ്ക്കൾ ഉള്ള മേശയുടെ കീഴിലാണ് നീ ഇപ്പോൾ. കർത്താവേ, മേശയുടെ കീഴിലുള്ള നുറുക്കുകൾ നായ്ക്കൾക്ക് ഭക്ഷിക്കുവാൻ കഴിയും." കനാന്യ സ്ത്രീക്ക് സൂക്ഷ്‌മതയുണ്ടായിരുന്നു, കർത്താവായ യേശു അവളാൽ പിടിക്കപ്പെട്ടു. ഭക്ഷിക്കുന്നതിനെക്കുറിച്ചുള്ള ഈ ഭാഗത്ത്, കർത്താവായ യേശു കഴുകുന്നതിനെക്കുറിച്ച് ഒന്നും പറയുന്നില്ല. തൻ്റെ ശിഷ്യന്മാർക്ക് ഒരേയൊരു കാര്യം മാത്രമേ ആവശ്യമുള്ളൂ എന്ന് കാണിക്കുവാൻ വേണ്ടിയാണ് കർത്താവായ യേശു ഇത് മനഃപൂർവം ചെയ്തത് എന്ന് ഞാൻ വിശ്വസിക്കുന്നു—ഭക്ഷിക്കുക എന്നത്. നാം ജാതീയ നായ്ക്കളെപ്പോലെ അശുദ്ധരാണെങ്കിൽ പോലും, യേശുവിനെ ഭക്ഷിക്കുവാൻ നമുക്ക് അവകാശവും സ്ഥാനവുമുണ്ട്. ഓ, നാം നിർവിഘ്നരായ ഭക്ഷിക്കുന്നവർ ആകണം! നിങ്ങൾ കഴുകിയിട്ട് വരുവാൻ കാത്തിരിക്കരുത്. നിങ്ങൾ എങ്ങനെ ആയിരിക്കുന്നുവോ അങ്ങനെ തന്നെ കർത്താവിൻ്റെ അടുക്കൽ വന്ന് അവനിൽ നിന്നും ഭക്ഷിക്കുവിൻ. ഒരു കീർത്തനത്തിൻ്റെ വാക്കുകൾ പറയുന്നതുപോലെ: "ഞാൻ ആയിരിക്കുന്നതുപോലെ തന്നെ, ഞാൻ വരുന്നു." നാം ഇങ്ങനെ പറയേണ്ടതുണ്ട്, "കർത്താവേ, ഞാൻ ആയിരിക്കുന്നതുപോലെ തന്നെ വരുന്നു. ഞാൻ മാറേണ്ടതോ വെടിപ്പാക്കപ്പെടേണ്ടതോ ആയ ആവശ്യമില്ല. കർത്താവേ, എനിക്ക് നിന്നെ ആവശ്യമുണ്ട്, ഭക്ഷിക്കുവാൻ ഞാൻ നിന്റെ അടുക്കൽ വരുന്നു. ഞാൻ ഒരു അശുദ്ധമായ നായയാണെങ്കിൽ പോലും, ഞാൻ ആയിരിക്കുന്നതുപോലെ തന്നെ നിന്റെ അടുക്കൽ വരുന്നു." ഭക്ഷിക്കുക എന്നതാണ് പ്രാഥമികം, ഭക്ഷിക്കുക എന്നതാണ് എല്ലാം.