[മുകളിൽ പറഞ്ഞിരിക്കുന്ന വാക്യത്തിലെ] പലിശ കർത്താവിന്റെ വരത്തെ ഉപയോഗിക്കുന്നതിലൂടെ അവന്റെ വേലയ്ക്കു വേണ്ടി നാം നേടുന്ന ലാഭകരമായ ഫലത്തെ സൂചിപ്പിക്കുന്നു. ഒരു അർത്ഥത്തിൽ, പണവിനിമയം നടത്തുന്നവർ എന്ന് പറയുന്നത് പുതിയവരും, ബലഹീനരും, ഇളയവരും, പിന്മാറിപ്പോയവരും ആയ എല്ലാവരുമാണ് എന്ന് നമുക്ക് പറയുവാൻ കഴിയും. നാം കർത്താവിന്റെ വസ്തുവകകൾ ഈ പണവിനിമയം നടത്തുന്നവരുടെ അടുക്കൽ നിക്ഷേപിക്കേണ്ടതുണ്ട്. പണവിനിമയം നടത്തുന്നവർ നേതൃത്വം നൽകുന്ന സഹോദരന്മാരല്ല, മറിച്ച് ദുർബ്ബലരായവരും, പ്രശ്നങ്ങളുള്ളവരുമാണ്. ഏതെങ്കിലും ഒരു സഹോദരൻ അഭിപ്രായഭിന്നതയുണ്ടാവുകയും സഭയെക്കുറിച്ച് പ്രതിലോമമായി സംസാരിക്കുകയും ചെയ്യുന്നു എന്ന് കരുതുക. സഭയെക്കുറിച്ച് പ്രതിലോമമായി സംസാരിക്കുന്നവർക്ക് എപ്പോഴും മൂപ്പന്മാരെക്കുറിച്ച് പ്രതിലോമമായി സംസാരിക്കുവാൻ എന്തെങ്കിലും ഉണ്ടായിരിക്കും. എങ്കിലും, ഈ അഭിപ്രായഭിന്നതയുണ്ടാക്കുന്നവർ സഹോദരന്മാരാണ്, അവർ കർത്താവിനെ സ്നേഹിക്കുന്നുണ്ട്. അങ്ങനെ അഭിപ്രായഭിന്നതയുള്ള ഒരു സഹോദരനെ, മൂപ്പന്മാരിൽ ഒരാളല്ല, മറിച്ച് അവനെ സ്നേഹിക്കുകയും കരുതുകയും ചെയ്യുന്ന സഭയിലെ മറ്റൊരു സഹോദരൻ ബന്ധപ്പെടുന്നത് എത്ര നല്ലതായിരിക്കും! അഭിപ്രായഭിന്നതയുള്ള ഒരു സഹോദരനെ മറ്റനേകം പേർ ബന്ധപ്പെടുകയാണെങ്കിൽ, അവൻ ഒടുവിൽ സഭയിലേക്ക് തിരിച്ചുവരികയും സഭയെക്കുറിച്ച് കർത്താവിനെ സ്തുതിക്കുകയും ചെയ്യും. മറ്റുള്ളവരെ കരുതുവാൻ വേണ്ടി നിങ്ങൾ നിങ്ങളുടെ താലന്തിനെ ഈ രീതിയിൽ ഉപയോഗിക്കുകയാണെങ്കിൽ, നിങ്ങൾ താലന്ത് പെരുപ്പിക്കുക മാത്രമല്ല, നിങ്ങൾ തന്നെ മൂന്നാം സ്വർഗ്ഗത്തിൽ ആയിരിക്കുകയും വേഗത്തിൽ വളരുകയും രൂപാന്തരപ്പെടുകയും ചെയ്യും. നിങ്ങൾ മനസ്സിന്റെ ആത്മാവിൽ പുതുക്കപ്പെടും, നമ്മുടെ ഇടയിൽ ശരീരത്തിന്റെ അത്ഭുതകരമായ ഒരു സാക്ഷ്യം മുഴുപ്രപഞ്ചത്തിനും ഉണ്ടാകും. നാം ഒരു മതപരമായ കൂടിവരവല്ല, മറിച്ച് ഒരു ജീവനുള്ള ശരീരമാണ് എന്ന് പ്രപഞ്ചം കാണും. ഇതിനുവേണ്ടി നാം എല്ലാവരും നമ്മുടെ താലന്ത്, കർത്താവിന്റെ വസ്തുവകകൾ, ഉപയോഗിക്കേണ്ടതുണ്ട്. ഫലമെന്നത് പെരുപ്പം ആയിരിക്കും. നാം വിശുദ്ധരെയും സഭകളെയും എത്രയധികം കരുതുന്നുവോ, അത്രയധികം നാം സമ്പന്നരായിത്തീരുമെന്ന് എനിക്ക് സാക്ഷീകരിക്കുവാൻ കഴിയും.