വാക്യം 15-ൽ... "ഉരിഞ്ഞുകളയുക" എന്നതിനുള്ള യവനപദം "അഴിച്ചുമാറ്റുക" എന്നും തർജ്ജമ ചെയ്യാം. ഈ വാക്യത്തിൽ പറയുന്ന വാഴ്ചകളും അധികാരങ്ങളും ദൂതന്മാരായ ഭരണാധികാരികളും അധികാരികളുമാണ്. ...ഇവിടെ ഈ ഭാഗം ദുഷ്ടദൂതന്മാരെയാണ് പരാമർശിക്കുന്നത്. പരസ്യമായി കാഴ്ചയാക്കുക എന്നർത്ഥമുള്ള യവനപദം, പരസ്യമായ അപമാനത്തിലേക്ക് തള്ളിക്കൊണ്ട് പ്രദർശിപ്പിക്കുക അല്ലെങ്കിൽ വെളിപ്പെടുത്തുക എന്നാണ് അർത്ഥമാക്കുന്നത്. ക്രൂശിൽ വെച്ച് ദൈവം ദുഷ്ടദൂതന്മാരായ ഭരണാധികാരികളെയും അധികാരങ്ങളെയും പരസ്യമായി അപമാനിക്കുകയും അതിൽ അവർക്കുമേൽ ജയോത്സവം കൊണ്ടാടുകയും ചെയ്തു. ...ദൈവം ഇവിടെ നമ്മെ വിധിപ്പാനല്ല, കാരണം അവൻ ഇതിനകം നമ്മെ ക്രൂശിൽ വിധിച്ചു കഴിഞ്ഞു. അവൻ നമ്മോട് ഇടപെടുവാൻ പോലും അല്ല ഇവിടെ ആയിരിക്കുന്നത്, കാരണം അവൻ ഇതിനകം നമ്മോട് ഇടപെട്ടു കഴിഞ്ഞു. ദൈവം ഒരു കാര്യം നിവർത്തിക്കുവാനാണ് ഇവിടെ ആയിരിക്കുന്നത്—നമ്മിലേക്ക് ജീവനെ പകർന്നുകൊണ്ട് നമ്മെ ചൈതന്യവൽക്കരിക്കുവാൻ വേണ്ടി. ജീവൻ-നൽകുന്ന ആത്മാവെന്ന നിലയിൽ, ത്രിയേക ദൈവം നമുക്ക് ജീവൻ നൽകുന്നു. സഭാജീവിതത്തിന്റെ യോഗങ്ങളിൽ നാം ചൈതന്യവൽക്കരിക്കപ്പെട്ടുകൊണ്ടിരിക്കുകയാണ്. ഇതിനെ സംബന്ധിച്ച് ന്യായപ്രമാണത്തിനോ ദൂതന്മാർക്കോ യാതൊരു സ്ഥാനവുമില്ല. കാൽവരിയിൽ വെച്ച് ദൈവം അവരെ ഉരിഞ്ഞുകളയുകയും അവർക്കുമേൽ ജയോത്സവം കൊണ്ടാടുകയും ചെയ്തുവെന്ന് നാം വാഴ്ചകളെയും അധികാരങ്ങളെയും ഓർമ്മിപ്പിക്കണം. ദൈവത്തിന്റെ വിജയത്തിന്റെ അടിസ്ഥാനത്തിൽ, ഓടിപ്പോകുവാൻ നമുക്ക് അവരോട് ആജ്ഞാപിക്കുവാൻ കഴിയും. ഇന്ന് നമുക്ക് ആവശ്യമായിരിക്കുന്നത് ന്യായപ്രമാണമോ ദൂതന്മാരെയോ അല്ല, മറിച്ച് ചൈതന്യവൽക്കരിക്കുന്നവനെയാണ്, ജീവൻ-നൽകുന്നവനെയാണ്. ഇതാകുന്നു ദൈവത്തിന്റെ രക്ഷയുടെ വ്യവസ്ഥ.