[4-ാം ഭാഗം] ജഡാവതാരം, ക്രൂശുമരണം, പുനരുത്ഥാനം, സാരാംശപരമായ ആത്മാവിനെ ശ്വസിക്കുന്നത്, ആരോഹണം, വ്യവസ്ഥാപപരമായ ആത്മാവിനെ പുറമേ ഒഴിക്കുന്നത് എന്നിവ ഇന്ന് നമുക്ക് എങ്ങനെ പ്രായോഗികമാകുന്നു എന്ന് വിശദമാക്കുവാൻ ഒരു സാൻഡ്‌വിച്ച് ഉണ്ടാക്കുന്നതും കഴിക്കുന്നതും നമുക്ക് ഉപയോഗിക്കാം. ഒരു സാൻഡ്‌വിച്ച് ഒരുക്കുമ്പോൾ നാം രണ്ട് കഷണം ബ്രെഡ് എടുക്കുമായിരിക്കാം. പിന്നീട് നാം ബ്രെഡിൽ മയോണൈസ് പുരട്ടുകയും ടർക്കിക്കോഴി, ചീസ്, തക്കാളി, ലെറ്റസ് എന്നിവ വെക്കുകയും ചെയ്തേക്കാം. അത്തരമൊരു സാൻഡ്‌വിച്ചിന്റെ തയ്യാറെടുപ്പിൽ നാം പടിപടിയായിട്ടാണ് പോകുന്നത്. എന്നാൽ സാൻഡ്‌വിച്ച് കഴിക്കുമ്പോൾ, നാം ആദ്യം ബ്രെഡും പിന്നീട് ടർക്കിക്കോഴിയും അതിനുശേഷം സാൻഡ്‌വിച്ചിലെ മറ്റ് ഘടകങ്ങളും അല്ല എടുക്കുന്നത്. പകരം, സാൻഡ്‌വിച്ചിലെ എല്ലാ ചേരുവകളും നാം ഒരേസമയം എടുക്കുന്നു. അതുപോലെതന്നെ, ക്രിസ്തുവിന്റെ ജഡാവതാരം, ക്രൂശുമരണം, പുനരുത്ഥാനം, ആത്മാവിനെ ശ്വസിക്കുന്നത്, ആരോഹണം, ആത്മാവിനെ പുറമേ ഒഴിക്കുന്നത് എന്നീ ആറ് കാര്യങ്ങളും ഒരേ സമയം നമുക്ക് പ്രായോഗികമാകുന്നു. അവ പടിപടിയായിട്ടാണ് നിവർത്തിക്കപ്പെട്ടത്, എന്നാൽ അവ ഒരേസമയം നമുക്ക് പ്രായോഗികമാകുന്നു. സാൻഡ്‌വിച്ചിന്റെ ഉദാഹരണം ഉപയോഗിച്ച് പറഞ്ഞാൽ, ജഡാവതാരം ബ്രെഡാണെന്നും, ക്രൂശുമരണം ടർക്കിക്കോഴിയാണെന്നും, പിന്നെ പുനരുത്ഥാനം, ആത്മാവിനെ ശ്വസിക്കുന്നത്, ആരോഹണം, ആത്മാവിനെ പുറമേ ഒഴിക്കുന്നത് എന്നിവ മറ്റ് ചേരുവകളാണെന്നും നമുക്ക് പറയാം. നാം ഈ സർവവും-ഉൾക്കൊള്ളുന്ന "സാൻഡ്‌വിച്ച്" കഴിക്കുമ്പോൾ, നാം ആദ്യം ജഡാവതാരമാകുന്ന "ബ്രെഡ്" അല്ല "കഴിക്കുന്നത്", പിന്നീട് ക്രൂശുമരണമാകുന്ന "ടർക്കിക്കോഴിയും" അല്ല. മറിച്ച്, നാം മുഴുവൻ സാൻഡ്‌വിച്ചും ഒരേ സമയം എടുക്കുന്നു. ഏത് കാര്യമാണ് ആദ്യം വരുന്നതെന്നും ഏതാണ് അവസാനം വരുന്നതെന്നും നാം പരിഗണിക്കുന്നില്ല. ഇപ്പോൾ ഈ കാര്യങ്ങളെല്ലാം കർത്താവിന്റെ നാമത്തിൽ ഉൾക്കൊള്ളുന്നു. അതുകൊണ്ട്, കർത്താവായ യേശുവിന്റെ നാമം നാം വിളിച്ചപേക്ഷിക്കുമ്പോൾ, ഈ കാര്യങ്ങളെല്ലാം നാം കൈക്കൊള്ളുന്നു.