ക്രിസ്ത്യാനികളെന്ന നിലയിൽ, നമ്മുടെ പ്രത്യാശ ഈ ഭൂമിയിലോ ഈ യുഗത്തിലോ അല്ല എന്ന് മറ്റുള്ളവരോട് പ്രഖ്യാപിക്കുന്ന ഒരു ജീവിതം നാം ജീവിക്കണം. പകരം, നമ്മുടെ പ്രത്യാശ വരുന്നവനായ കർത്താവിലാകുന്നു, നമ്മുടെ ഭാവി അവനിലാകുന്നു. ഈ ഭൂമിയിൽ നമുക്ക് യാതൊരു ദൈവകൽപിതമോ, ലക്ഷ്യസ്ഥാനമോ, ഭാവിയോ ഇല്ല. നമ്മുടെ ഭാവിയും, നമ്മുടെ ദൈവകൽപിതവും, നമ്മുടെ ലക്ഷ്യസ്ഥാനവും തികച്ചും വരുന്നവനായ കർത്താവിന്മേൽ കേന്ദ്രീകരിക്കപ്പെട്ടിരിക്കുന്നു. അവൻ നമ്മുടെ പ്രത്യാശയും, നമ്മുടെ ഭാവിയും, നമ്മുടെ ലക്ഷ്യസ്ഥാനവും ആയിരിക്കും. നാം കർത്താവിങ്കലേക്ക് പോകുന്നു, അവനെ കണ്ടുമുട്ടുക എന്നതാണ് നമ്മുടെ ദൈവകൽപിതം. നേരെ മറിച്ച്, ലോക മനുഷ്യർക്കാകട്ടെ, തങ്ങളുടെ ഭാവി ഭൂമിയിലാണെന്നും തങ്ങളുടെ പ്രത്യാശയും ദൈവകൽപിതവും ലക്ഷ്യസ്ഥാനവും എല്ലാം ഈ കാലത്തിലാണെന്നു മറ്റുള്ളവർക്ക് തോന്നിപ്പിക്കുന്ന തരത്തിലുള്ള ജീവിതമാണുള്ളത്. അവരുടെ ഭാവി ഈ യുഗത്തോട് പൂർണ്ണമായി ബന്ധപ്പെട്ടിരിക്കുന്നു എങ്കിലും, നമ്മുടെ ഭാവി അങ്ങനെയല്ല. നാം സ്വർഗത്തിൽ നിന്നുള്ള ദൈവപുത്രനായി കാത്തിരിക്കുന്നതിനാൽ, നമ്മുടെ ഭാവി അവന്മേൽ കേന്ദ്രീകരിക്കപ്പെട്ടിരിക്കുന്നു. ഈ ഭൂമിയിൽ നമുക്ക് യാതൊരു പ്രത്യാശയും ഈ യുഗത്തിൽ യാതൊരു ദൈവകൽപിതവും ഇല്ല. യഥാർത്ഥ ക്രിസ്ത്യാനികൾക്ക് വിഗ്രഹങ്ങൾ ഒന്നുമില്ല, തങ്ങളുടെ ദൈവം ജീവനുള്ളവനാകുന്നു എന്ന് സാക്ഷ്യം വഹിക്കുന്ന ഒരു ജീവിതമാണ് അവർ ജീവിക്കുന്നത്, തങ്ങൾക്ക് ഈ ഭൂമിയിൽ പ്രത്യാശയൊന്നുമില്ലെന്നും വരുന്നവനായ അവനിൽ മാത്രമാണ് പ്രത്യാശയെന്നും അവർ തങ്ങളുടെ ജീവിതത്താൽ പ്രഖ്യാപിക്കുന്നു. നമുക്ക് ദൈവമല്ലാതെ മറ്റൊന്നും ഉണ്ടായിരിക്കരുത്, നമ്മുടെ ദൈവം നമ്മുടെ ദൈനംദിന ജീവിതത്തിൽ ജീവിക്കുന്നവനായിരിക്കണം, നാം സ്വർഗത്തിൽ നിന്നുള്ള ദൈവപുത്രന്റെ വരവിനായി കാത്തിരിക്കുകയാണെന്ന് നാം പ്രഖ്യാപിക്കുകയും വേണം.