[ഭാഗം 1] നാലാം അധ്യായത്തിൽ, കർത്താവിന്റെ വരവിങ്കൽ നാം എടുക്കപ്പെടുമെന്ന് എന്ന് നമ്മോട് പറഞ്ഞുകൊണ്ട്, ഈ പ്രത്യാശയാൽ [കർത്താവിന്റെ മടങ്ങിവരവിലുള്ള പ്രത്യാശയാൽ] പൗലോസ് നമ്മെ ആശ്വസിപ്പിക്കുന്നു എന്ന് നാം ചൂണ്ടിക്കാണിച്ചിട്ടുണ്ട്. കർത്താവിനെ ആകാശത്തിൽ കണ്ടുമുട്ടുവാൻ നാം ഹർഷോന്മാദത്തിന്റെ ഒരു അവസ്ഥയിലേക്ക് മാറ്റപ്പെടും. എന്നിരുന്നാലും, ഈ പ്രത്യാശയ്ക്ക് ഉണർന്നിരിക്കുന്നതിന്റെയും സുബോധത്തിന്റെയും ഒരു ജീവിതം ആവശ്യമാണ്. കർത്താവിന്റെ വരവിനായി കാത്തിരിക്കുവാൻ നമുക്ക് ഉണർന്നും സുബോധത്തോടെയുമായിരിക്കുന്ന ഒരു ജീവിതം ആവശ്യമാണ്. മറ്റൊരു വിധത്തിൽ പറഞ്ഞാൽ, കർത്താവിന്റെ മടങ്ങിവരവിലുള്ള നമ്മുടെ പ്രത്യാശ നാം വ്യായാമം ചെയ്യുമ്പോൾ, നമുക്കൊരു ഉണർന്നിരിക്കുന്ന ജീവിതവും സുബോധത്തോടെയുള്ള ജീവിതവും ആവശ്യമാണ്. ഇവിടെ ഉണർന്നിരിക്കുക എന്നത് ഒരു യുദ്ധവുമായി, ഒരു പോരാട്ടവുമായി ബന്ധപ്പെട്ടിരിക്കുന്നു. ചില പതിപ്പുകൾ യുദ്ധവുമായി ബന്ധപ്പെട്ട ഒരു വാക്കാകുന്ന ജാഗ്രത എന്ന വാക്ക് ഉപയോഗിക്കുന്നു. ഒരു പോരാട്ടത്തിലുള്ള ഭടന്മാർ ഉണർന്നിരിക്കുന്നവരും, ജാഗ്രതയുള്ളവരുമായിരിക്കേണ്ടതുണ്ട്. ഉണർന്നിരിക്കുക എന്നത് പോരാട്ടത്തോട് ബന്ധപ്പെട്ടിരിക്കുന്നു എന്ന വസ്തുത 8-ാം വാക്യത്തിൽ പൗലോസ് മാർകവചത്തെയും ശിരസ്ത്രത്തെയും കുറിച്ച് പരാമർശിക്കുന്നതിലൂടെ സ്ഥിരീകരിക്കപ്പെടുന്നു. മാർകവചവും ശിരസ്ത്രവും സാധാരണ വസ്ത്രങ്ങളല്ല. അവ, തീർച്ചയായും, പോരാട്ടത്തിൽ ഭടന്മാർ ഉപയോഗിക്കുന്ന സർവായുധവർഗ്ഗത്തിന്റെ ഭാഗമാകുന്നു. അതിനാൽ, ഉണർന്നിരിക്കുന്നവരും, സുബോധത്തോടെയുമായിരിക്കുന്നവരും എന്ന പൗലോസിന്റെ ധാരണ പോരാട്ടത്തോട്, അഥവാ യുദ്ധത്തോട് ബന്ധപ്പെട്ടിരിക്കുന്നു. [നാളെ തുടരും]