[ഭാഗം 2] ഒരിക്കൽക്കൂടി ചായ ഉണ്ടാക്കുന്ന ലളിതമായ കാര്യത്തെ ഒരു ദൃഷ്ടാന്തമായി എടുക്കുവാൻ ഞാൻ ആഗ്രഹിക്കുന്നു. തേയില ഒരു മൂലകമാണ്, കൂടാതെ "ചായവൽക്കരണം" എന്നത് ചായ ഉണ്ടാക്കുന്ന പ്രക്രിയയാണ്. നിങ്ങൾക്ക് ഒരു കപ്പ് വെള്ളം ഉണ്ടെന്ന് കരുതുക. വെള്ളത്തെ ചായവൽക്കരിക്കുവാൻ, നിങ്ങൾ അതിലേക്ക് ഒരു തേയിലബാഗ് ഇടേണ്ടതുണ്ട്. ഒരു തേയിലബാഗ് ആദ്യം വെള്ളത്തിൽ ഇടുമ്പോൾ, വെള്ളം അതേപടി നിലനിൽക്കുന്നതായി തോന്നാം. അത് വെള്ളം പോലെ തന്നെയാണ് എന്ന് തോന്നാം. എന്നാൽ ഒരു സമയത്തിനുശേഷവും ഇളക്കുന്ന ചില പ്രവർത്തനങ്ങൾക്കുശേഷവും, വെള്ളം ചായവൽക്കരിക്കപ്പെട്ടതായിത്തീരും; അതായത്, തേയില വെള്ളത്തിലേക്ക് ചേർക്കപ്പെടുകയും അതിനോട് ഇഴുകിച്ചേരുകയും ചെയ്യുന്നു. അതിനാൽ, വെള്ളം ചായവൽക്കരണ പ്രക്രിയയ്ക്ക് വിധേയമായിക്കൊണ്ടിരിക്കുകയാണെന്ന് നമുക്ക് പറയാം. ഒടുവിൽ, തേയില വെള്ളത്തിലുണ്ട്, വെള്ളം തേയിലയിലുമുണ്ട്. ഇതിനർത്ഥം തേയിലയുടെ മൂലകം വെള്ളത്തോട് ഇഴുകിച്ചേർന്നിരിക്കുന്നു എന്നാണ്. ഈ ചായവൽക്കരണത്തിന്റെ ഫലമായി, തേയിലയും വെള്ളവും ഒരു പാനീയമായി കൂടിച്ചേർക്കപ്പെടുന്നു. യഥാർത്ഥത്തിൽ, ഇത്തരത്തിലുള്ള പാനീയം തേയില-വെള്ളമാണ്. തേയില വെള്ളത്തിൽ ആയിരിക്കുക എന്നത് ഒരു കാര്യമാണ്, എന്നാൽ വെള്ളം ചായവൽക്കരണ പ്രക്രിയയിലൂടെ കടന്നുപോകുക എന്നത് മറ്റൊരു കാര്യമാണ്. അതുപോലെതന്നെ, നാം വിശുദ്ധിയുടെ മൂലകത്തിൽ കുറ്റമില്ലാത്തവരായിരിക്കേണ്ടതുണ്ട്, കൂടാതെ ദൈവത്തിന്റെ രക്ഷ ദിനപ്രതിയും മണിക്കൂർതോറും ആസ്വദിക്കേണ്ടതിന് നാം വിശുദ്ധീകരണ പ്രക്രിയയ്ക്ക് വിധേയരാകുകയും വേണം.