[ഭാഗം 1] നമ്മുടെ മാനസിക ഹൃദയത്തിന് മൂന്ന് പ്രധാന ധമനികളുണ്ട്. ദേഹിയുടെ മൂന്ന് ഭാഗങ്ങൾ കൂടിയായ ഈ ധമനികൾ മനസ്സ്, ഇച്ഛ, വികാരം എന്നിവയാണ്. പ്രായോഗികമായ രീതിയിൽ ഈ ധമനികളിലെ തടസ്സങ്ങൾ എങ്ങനെ മാറ്റണമെന്ന് അറിയുന്നത് പ്രധാനമാണ്. നമ്മുടെ ഭൗതിക ഹൃദയത്തിന്റെ ധമനികളിലെ തടസ്സങ്ങൾ മാറ്റുന്നതിന്, ഡോക്ടർമാർ മരുന്ന് നിർദ്ദേശിച്ചേക്കാം. നമ്മുടെ മാനസിക ഹൃദയത്തിന്റെ മൂന്ന് പ്രധാന ധമനികളിലെ തടസ്സങ്ങൾ മാറ്റുവാനുള്ള വഴി കർത്താവിനോട് സമഗ്രമായ ഒരു ഏറ്റുപറച്ചിൽ നടത്തുക എന്നതാണ്. നമ്മുടെ കുറവുകൾ, പരാജയങ്ങൾ, തോൽവികൾ, തെറ്റുകൾ, ദുഷ്പ്രവൃത്തികൾ, പാപങ്ങൾ എന്നിവ ഏറ്റുപറയുവാൻ നാം ഒരു നിശ്ചിത സമയം കർത്താവിനോടൊപ്പം ചെലവഴിക്കേണ്ടതുണ്ട് എന്ന് അനുഭവത്തിൽ നിന്ന് ഞാൻ പഠിച്ചിട്ടുണ്ട്. നമ്മുടെ മനസ്സിലും ചിന്തയിലുമുള്ള എല്ലാ പാപകരമായ അവസ്ഥകളും അശുദ്ധികളും ഏറ്റുപറഞ്ഞുകൊണ്ട് നമുക്ക് ആരംഭിക്കാം. നമ്മുടെ മനസ്സിന്റെ ധമനിയെ അഴുക്കുകൊണ്ട് അടഞ്ഞുപോയ ഒരു ചാലിനോട് ഉപമിക്കാം, അതിലൂടെ വെള്ളം ഒഴുകിപ്പോകേണ്ടതിന് അത് കുഴിച്ചെടുക്കേണ്ടതുണ്ട്. നമ്മുടെ മനസ്സ് അഴുക്കു നിറഞ്ഞതാണ്. തൽഫലമായി, ഈ ധമനി അടഞ്ഞിരിക്കുന്നു. നമ്മുടെ മനസ്സിന്റെ ധമനിയിലെ തടസ്സം മാറ്റുന്നതിന്, നമ്മുടെ ചിന്തകളിലും ചിന്താരീതിയിലുമുള്ള പാപകരമായ എല്ലാ കാര്യങ്ങളും നാം ഏറ്റുപറയേണ്ടതുണ്ട്. നമ്മുടെ ചിന്തകൾ ഓരോന്നായി ഏറ്റുപറയുന്നതിലൂടെ, നാം ഈ ധമനിയിലെ തടസ്സം നീക്കം ചെയ്യും. ഇക്കാരണത്താലാണ് നിങ്ങൾ കർത്താവിങ്കലേക്ക് ചെന്ന് അവനോട് ഇപ്രകാരം പറയേണ്ടത്: "കർത്താവേ, എന്നെ പ്രകാശിപ്പിക്കുകയും എന്റെ മനസ്സിനെ തുറന്നുകാട്ടുകയും ചെയ്യണമേ. എന്റെ എല്ലാ ചിന്തകളെയും തുറന്നുകാട്ടണമേ. കർത്താവേ, എന്റെ മനസ്സിനെ പൂർണ്ണമായി നിന്റെ വെളിച്ചത്തിലേക്ക് കൊണ്ടുവരണമേ." തുടർന്ന് നിങ്ങളുടെ ചിന്തയിലെ പ്രശ്നങ്ങൾ ഓരോന്നായി ഏറ്റുപറയുവാൻ പ്രകാശനത്തെയും തുറന്നുകാട്ടലിനെയും നിങ്ങൾ അനുഗമിക്കണം. [നാളെ തുടരും]