CNT-യിൽ നിന്നുള്ള ഉദ്ധരണികൾ:

മനുഷ്യരക്ഷകൻ്റെ ജനനം എല്ലാ ജനത്തിനുമുള്ള വലിയ സന്തോഷത്തിൻ്റെ ഒരു സുവാർത്തയായി ഒരു ദൂതൻ ഇടയന്മാർക്ക് അറിയിച്ചു (ലൂക്കൊ. 2:8-10). 11-ാം വാക്യത്തിൽ ദൂതൻ പ്രഖ്യാപിച്ചു, “ദാവീദിന്റെ പട്ടണത്തിൽ ഇന്നു നിങ്ങൾക്കൊരു രക്ഷകൻ ജനിച്ചിരിക്കുന്നു, അവൻ കർത്താവായ ക്രിസ്തു ആകുന്നു.” യോഹന്നാൻ 4:42-ൽ കർത്താവായ യേശുവിനെ, ലോകരക്ഷകൻ എന്നാണ് പരാമർശിക്കുന്നത്. നമ്മെ രക്ഷിക്കുവാനായ് ക്രിസ്തു രക്ഷകനാണ്. അവന്റെ വ്യക്തിയുടെയും അവൻ്റെ വീണ്ടെടുപ്പുവേലയുടെയും അടിസ്ഥാനത്തിൽ അവൻ വീണുപോയ മനുഷ്യരാശിയുടെ രക്ഷകനാണ്. അവൻ നമ്മുടെ രക്ഷകനാകുവാൻ ഒരു മനുഷ്യനായിത്തീർന്ന എന്നേക്കും നിലനിൽക്കുന്ന ത്രിയേക ദൈവമാണ്, പാപികളായ നമുക്കുവേണ്ടി അവൻ പൂർണ്ണമായ വീണ്ടെടുപ്പ് നേടിയിരിക്കുന്നു, അതിലൂടെ അവൻ ഇപ്പോൾ ദൈവത്തിൻ്റെ ശിക്ഷാവിധിയിൽ നിന്നും നമ്മുടെ വീണുപോയ അവസ്ഥയിൽ നിന്നും നമ്മെ രക്ഷിക്കുന്നു.