എണ്ണയും കുന്തുരുക്കവും ഉപ്പും ഭോജനയാഗത്തിലെ അനുലോമ സുഗന്ധവർഗങ്ങളാണ്, എന്നാൽ ചില പ്രതിലോമ സുഗന്ധവർഗങ്ങളുമുണ്ട് [പുളിപ്പും, തേനും]. പ്രതിലോമ സുഗന്ധവർഗങ്ങൾ എന്ന് ഞാൻ ഉദ്ദേശിക്കുന്നത്, ഈ സുഗന്ധവർഗങ്ങൾ ഒരിക്കലും ഭോജനയാഗത്തിൽ ചേർക്കുവാൻ പാടില്ലാത്തവയാണ് എന്നാണ്... കാരണം ഈ രണ്ട് കാര്യങ്ങളും എളുപ്പത്തിൽ പുളിച്ചുപോകുന്നവയാണ്. പരാമർശിച്ചിരിക്കുന്ന ആദ്യത്തെ പ്രതിലോമ സുഗന്ധവർഗം പുളിപ്പാണ്. ബൈബിളിൽ പുളിപ്പ് എല്ലായ്‌പ്പോഴും ദുഷ്ടകാര്യങ്ങളെ സൂചിപ്പിക്കുന്നു. ലൗകികത, പാപകരം, ദൂഷ്യവുമായി ബന്ധപ്പെട്ട എന്തിനെയും, എല്ലാ ദുഷ്ടകാര്യങ്ങളെയും ബൈബിളിൽ പുളിപ്പിനോട് ഉപമിച്ചിരിക്കുന്നു.

[മൂന്നാമത്തെ] സുഗന്ധവർഗം ഉപ്പാണ്. ഉപ്പ്, ഒന്നാമതായി, ദൂഷ്യത്തിന്റെ അണുക്കളെ നശിപ്പിക്കുന്നു, അത് ദൂഷിതമായ മൂലകങ്ങളെ നശിപ്പിക്കുന്നതിനോടൊപ്പം തന്നെ സംരക്ഷിക്കുകയും ചെയ്യുന്നു, അങ്ങനെ നിലനിൽക്കുന്ന ശക്തി പകരുന്നു. കർത്താവായ യേശുവിന്റെ ജീവിതത്തിൽ, പ്രത്യേകിച്ച് അവന്റെ മനുഷ്യത്വത്തിൽ, ഉപ്പുണ്ട്. നമ്മോടുള്ള അവന്റെ സ്നേഹം അത്രമേൽ നിർമലമാണ്. പലപ്പോഴും മറ്റുള്ളവരോട് നമുക്കുള്ള സ്നേഹത്തിൽ ഉപ്പ് ഒട്ടുമില്ല. അത് ഇന്നലെ മധുരമുള്ളതായിരുന്നു, എന്നാൽ ഇന്ന് അത് കയ്പ്പുള്ളതായി മാറിയിട്ടുണ്ടാകും. ഇതിന് കാരണം ഉപ്പില്ലാത്തതാണ്. ഉപ്പില്ലാതെ നമ്മുടെ സ്നേഹം പുളിപ്പുള്ളതായി മാറുന്നു. സഹോദരങ്ങളുമായുള്ള നമ്മുടെ എല്ലാ ബന്ധങ്ങളിലും നാം ഉപ്പ് ചേർക്കണം. ആ സഹോദരനോടുള്ള ഇഷ്ടം ഇല്ലാതാക്കണം എന്നല്ല ഞാൻ ഉദ്ദേശിക്കുന്നത്, മറിച്ച് ആ ഇഷ്ടത്തിലുള്ള ദൂഷിതമായ മൂലകങ്ങളെ ഇല്ലാതാക്കണം എന്നാണ്.

ഭോജനയാഗത്തിലെ രണ്ടാമത്തെ സുഗന്ധവർഗം കുന്തിരിക്കമാണ്. മുൻകുറിശാസ്ത്രത്തിൽ, കുന്തിരിക്കം ക്രിസ്തുവിന്റെ പുനരുത്ഥാന ജീവന്റെയും സ്വഭാവത്തിന്റെയും പരിമളത്തെ സൂചിപ്പിക്കുന്നു. അവൻ ക്രൂശിക്കപ്പെടുന്നതിനും പുനരുത്ഥാനം ചെയ്യുന്നതിനും മുമ്പ് തന്നെ, അവന്റെ എല്ലാ പെരുമാറ്റങ്ങളിലും പ്രവൃത്തികളിലും വളരെ മാധുര്യമുള്ളതും പരിമളമുള്ളതുമായ ഒന്ന് ഉണ്ടായിരുന്നു. അതായിരുന്നു പുനരുത്ഥാന ജീവൻ. യേശുവിന്റെ മനുഷ്യത്വമാകുന്ന ഭോജനയാഗത്തിൽ, ദിവ്യ ആത്മാവാകുന്ന സുഗന്ധവർഗവും പുനരുത്ഥാന ജീവനാകുന്ന സുഗന്ധവർഗവും ഉണ്ട്.

തന്റെ ജനനം മുതൽ യേശു പരിശുദ്ധാത്മാവിനാൽ ഇഴുകിച്ചേർന്നിരുന്നു. അവൻ പരിശുദ്ധാത്മാവിനാൽ ജനിച്ചു; ഇതിനർത്ഥം അവന്റെ മനുഷ്യത്വം ദിവ്യ ആത്മാവിനാൽ ഇഴുകിച്ചേർന്നിരുന്നു എന്നാണ്. എന്നാൽ അവൻ സ്നാനം ഏറ്റ സമയത്ത്, പരിശുദ്ധാത്മാവ് ഒരു പ്രാവെന്നപോലെ അവന്റെ മേൽ ഇറങ്ങിവന്നു (മത്താ 3:16). അവൻ ഉള്ളിൽ ദിവ്യ ആത്മാവിനാൽ ഇഴുകിച്ചേരുക മാത്രമല്ല, പുറമെ ഒരു പ്രാവെന്നപോലെ ദിവ്യ ആത്മാവിനാൽ അഭിഷേകം ചെയ്യപ്പെടുകയും ചെയ്തു.

നേരിയ മാവ് ഒരു സുഗന്ധവർഗമല്ല, മറിച്ച് ഭോജനയാഗം തയ്യാറാക്കുന്നതിനുള്ള പ്രധാന ഘടകവും പദാർത്ഥവുമാണ്. ലേവ്യപുസ്തകം 2-ൽ പരാമർശിച്ചിരിക്കുന്ന ചില സുഗന്ധവർഗങ്ങൾ നേരിയ മാവിനോട് ചേർക്കുന്നു. [ഭോജനയാഗത്തിലെ] ഒന്നാമത്തെ സുഗന്ധവർഗ എണ്ണയാണ്. മുൻകുറിശാസ്ത്രം അനുസരിച്ച് എണ്ണ ദിവ്യ ആത്മാവിനെ സൂചിപ്പിക്കുന്നു. നേരിയ മാവ് യേശുവിന്റെ മനുഷ്യത്വത്തെ സൂചിപ്പിക്കുന്നു, എണ്ണ യേശുവിന്റെ ദിവ്യത്വത്തെ സൂചിപ്പിക്കുന്നു. യേശു ഒരു മനുഷ്യനാണ്, എങ്കിലും അവൻ ദിവ്യ ആത്മാവിനാൽ ഇഴുകിച്ചേരുകയും അഭിഷേകം ചെയ്യപ്പെടുകയും ചെയ്തിരിക്കുന്നു. ദിവ്യ ആത്മാവ് യേശുവിന്റെ മനുഷ്യത്വത്തോട് ഇഴുകിച്ചേർന്നിരിക്കുക മാത്രമല്ല, അവന്റെ മനുഷ്യത്വത്തെ അഭിഷേകം ചെയ്യുകയും ചെയ്യുന്നു.

ദൈവം തികഞ്ഞവനാണ് എന്നതിൽ അത്ഭുതമില്ല, എന്നാൽ ഒരു മനുഷ്യൻ തികഞ്ഞവനാണ് എന്നത് അതിശയകരമായ ഒരു വസ്തുതയാണ്. ഭൂമിയിൽ മനുഷ്യവർഗത്തിനിടയിൽ അത്രമേൽ തികഞ്ഞവനും, തുല്യനും, നിർമ്മലനും, മൃദുലനുമായ ഒരു മനുഷ്യൻ ഉണ്ടായിരുന്നു എന്നതിനായി കർത്താവിനെ സ്തുതിക്കുക! അവൻ നേരിയ മാവിനെപ്പോലെയായിരുന്നു. ഇതാണ് യേശുവിന്റെ മനുഷ്യത്വം. ഇതാണ് യേശു എന്ന മനുഷ്യൻ. സമാഗമന കൂടാരത്തിൽ യേശുവിന്റെ മനുഷ്യത്വം ദൈവത്തിന് ഒരു ഉപഹാരമായി നൽകുന്നതിനോളം പ്രിയപ്പെട്ടതും വിലയേറിയതുമായി മറ്റൊന്നുമില്ല. നാം ദിവസം മുഴുവൻ വിലമതിക്കുകയും, ആസ്വദിക്കുകയും, അനുഭവമാക്കുകയും ചെയ്യുന്ന യേശു എന്ന മനുഷ്യനായിരിക്കണം ദൈവത്തിന് നാം നൽകുന്ന ഉപഹാരം.

ഭോജനയാഗത്തിലെ പ്രധാന ഘടകം നേരിയ മാവാണ്, അത്... കർത്താവിന്റെ മനുഷ്യത്വത്തെ സൂചിപ്പിക്കുന്നു. ഒരു മനുഷ്യൻ എന്ന നിലയിൽ, കർത്താവായ യേശു നേരിയ മാവിനെപ്പോലെ അത്രമേൽ തികഞ്ഞവനാണ്. നേരിയ മാവ് അതിന്റെ തുല്യതയിലും, നൈർമല്യത്തിലും, മാർദ്ദവത്തിലും, മൃദുലതയിലും തികഞ്ഞതാണ്, അങ്ങനെ അത് കർത്താവിന്റെ മനുഷ്യത്വത്തിന്റെ സമതുലിതാവസ്ഥയും തുല്യതയും വെളിപ്പെടുത്തുന്നു. സന്തോഷിക്കേണ്ട സമയത്ത് അവൻ സന്തോഷിച്ചു (യോഹ 11:15). കണ്ണുനീർ ഒഴുക്കേണ്ട സമയത്ത് അവൻ കരഞ്ഞു (വാ. 35). ഒരു മനുഷ്യൻ എന്ന നിലയിൽ അവൻ അത്രമേൽ സമതുലിതനായിരുന്നു. ചിലപ്പോൾ ദുഷ്ടരെ ശാസിക്കുവാൻ അവൻ ധൈര്യം കാണിച്ചു, എങ്കിലും അവൻ പരുക്കനായിരുന്നില്ല (മത്താ 21:12-13; 23:33). അവൻ അപ്പോഴും നിർമ്മലനും തുല്യനുമായിരുന്നു. ഇതാണ് നേരിയ മാവ്.

മന്നയ്ക്ക് മാനുഷിക അധ്വാനത്തിന്റെ ആവശ്യമില്ല. എന്നാൽ ഭോജനയാഗം ലഭിക്കുവാൻ മാനുഷിക അധ്വാനം ഏറെ ആവശ്യമാണ്. നിലം ഉഴുതും, വിത്ത് വിതച്ചും, ചെടികൾ നനച്ചും, കൊയ്തെടുത്തും നാം നല്ല ദേശത്ത് അധ്വാനിക്കണം. നേരിയ മാവ് ലഭിക്കുവാൻ നാം പല കാര്യങ്ങളിലും ശ്രദ്ധിക്കേണ്ടതുണ്ട്. കൊയ്ത്തിന് ശേഷവും അരയ്ക്കലും ചുട്ടെടുക്കലും ഉണ്ട്. ഇതെല്ലാം സമാഗമന കൂടാരത്തിലല്ല, മറിച്ച് വീട്ടിലാണ് ചെയ്യുന്നത്. മന്നയ്ക്ക് ആവശ്യമായത് പുറത്തുപോയി അത് ശേഖരിക്കുക എന്നത് മാത്രമാണ്. മന്നയേക്കാൾ വളരെയധികം അധ്വാനം ഭോജനയാഗത്തിന് ആവശ്യമാണ്.

മന്നയും ഭോജനയാഗവും തമ്മിലുള്ള വ്യത്യാസത്തിലെ മറ്റൊരു പ്രധാന കാര്യം, മന്ന ഒരിക്കലും ദൈവത്തിന് ഒരു ആരാധനയായിരുന്നില്ല എന്നതാണ്. മന്ന അർപ്പിച്ചുകൊണ്ട് തന്നെ ആരാധിക്കുവാൻ ദൈവം ഒരിക്കലും തന്റെ ജനത്തോട് ആവശ്യപ്പെട്ടിട്ടില്ല. എന്നാൽ ഭോജനയാഗം അർപ്പിച്ചുകൊണ്ട് തന്നെ ആരാധിക്കുവാൻ ദൈവം തന്റെ ജനത്തോട് കൽപ്പിക്കുകയുണ്ടായി. അങ്ങനെ, ഭോജനയാഗം ദൈവത്തിനുള്ള ആരാധനയായിത്തീരുവാൻ തികച്ചും പര്യാപ്തമാണ്. ഇക്കാരണത്താലാണ് പല ക്രിസ്ത്യാനികൾക്കിടയിലും ദൈവത്തിന് യഥാർത്ഥമായ ആരാധന ഇല്ലാത്തത്. ജനം എപ്പോഴും മന്ന ഭുജിച്ചുകൊണ്ടിരിക്കുകയാണ്. സ്ഥലം സഭകളിൽ, ദിവസം മുഴുവൻ ഭോജനയാഗം ആസ്വദിച്ചുകൊണ്ട് ദൈവത്തിന് യഥാർത്ഥമായ ആരാധന നൽകുന്നവരായി നാം ആയിരിക്കണം.

മന്ന മരുഭൂമിയിലെ ജീവിതത്തിനുള്ളതാണ്, എന്നാൽ ഭോജനയാഗം ദൈവത്തിന്റെ വാസസ്ഥലത്തിലെ ജീവിതത്തിനുള്ളതാണ്. മരുഭൂമിയിലെ ജീവിതത്തെ നിലനിർത്തുവാൻ മാത്രമേ മന്ന മതിയാവുകയുള്ളൂ, എന്നാൽ ഭോജനയാഗം ദൈവത്തിന്റെ വാസസ്ഥലത്തിലെ ജീവിതത്തെ താങ്ങിനിർത്തും. നിങ്ങൾ എവിടെയായിരിക്കുവാനാണ് ആഗ്രഹിക്കുന്നത്: മരുഭൂമിയിലോ അതോ ദൈവത്തിന്റെ വാസസ്ഥലത്തിലോ? ദൈവത്തിന്റെ സാന്നിധ്യത്തിലും അവന്റെ വാസസ്ഥലത്തിലും ദൈവത്തെ സേവിച്ചുകൊണ്ടുള്ള ഒരു ജീവിതത്തിന് ഭോജനയാഗം മതിയായതാണ്. അവിടെ ഇനി അലഞ്ഞുതിരിയലില്ല, മറിച്ച് ദൈവത്തിന്റെ ഭവനത്തിൽ അവന്റെ കൂടെ വസിക്കുക എന്നത് മാത്രമാണുള്ളത്.