[മത്തായി 16-ലെ] വചനത്തിന്റെ ഈ ചെറിയ ഭാഗത്ത്, സാത്താനെക്കുറിച്ചുള്ള രണ്ട് വിവരണങ്ങളുണ്ട്: പാതാളകവാടങ്ങളും ദേഹി-ജീവനോടു കൂടെ മനസ്സിലുള്ള സ്വയവും. പാതാളകവാടങ്ങൾ മാത്രമാണ് സാത്താൻ എന്ന് കരുതരുത്. സ്വയവും സാത്താന്റെ ജഡാവതാരമാണെന്ന് നിങ്ങൾ തിരിച്ചറിയണം.

[മത്തായി 16:18-19-ൽ] സഭയെ സംബന്ധിച്ച് നമുക്ക് അഞ്ച് കാര്യങ്ങൾ നമുക്ക് കാണുവാൻ കഴിയും: പാറ, കല്ലുകൾ, കെട്ടുപണി, പാതാളകവാടങ്ങളുടെ പരാജയം, രാജ്യം. സഭയാണ് രാജ്യം. ഇന്ന് നാം ഉപദേശത്തിലോ സംസാരത്തിലോ ഉള്ള ഒരു സഭയല്ല, മറിച്ച് പണിയപ്പെട്ട സഭയെ സാക്ഷാത്കരിക്കുവാൻ ആഗ്രഹിക്കുന്നുവെങ്കിൽ, സഭ ജീവനുള്ള നിരവധി കല്ലുകൾ കൊണ്ട് പണിയപ്പെടണം. സ്ഥലം സഭകൾ പാറമേൽ കല്ലുകൾ കൊണ്ടാണ് പണിയപ്പെടുന്നത്. ഇതാണ് രാജ്യം. ബന്ധിക്കുവാനും അഴിക്കുവാനും രാജ്യത്തിന് അധികാരമുള്ളതിനാൽ, പാതാളകവാടങ്ങൾക്ക് അതിനെ ഒരിക്കലും പരാജയപ്പെടുത്തുവാൻ കഴിയില്ല.

അവനെ [ക്രിസ്തുവിനെ] അനുഗമിക്കുവാനുള്ള മാർഗം മതത്തിന് പുറത്താണ്. മത്തായി 15-ൽ ഒരു കനാന്യ സ്ത്രീ ഉണ്ടായിരുന്നു, അവൾ ജീവനുള്ളതും പോഷിപ്പിക്കുന്നതുമായ രീതിയിൽ ക്രിസ്തുവിനെ നുറുക്കുകളായ് ആസ്വദിച്ചുകൊണ്ടിരുന്നു. ഈ ജാതീയ സ്ത്രീ ക്രിസ്തുവിനെ ഇപ്രകാരം ആസ്വദിച്ചുകൊണ്ടിരുന്നപ്പോൾ, പുരോഹിതന്മാർ ദൈവാലയത്തിൽ ആരാധിക്കുകയും ദൈവത്തിന് യാഗങ്ങൾ അർപ്പിക്കുകയും ധൂപം കാട്ടുകയും ചെയ്യുകയായിരുന്നു. ഈ രണ്ടു കാര്യങ്ങളും ഒരേസമയം സംഭവിച്ചിരിക്കുവാൻ സാധ്യതയുണ്ട്. ഈ കാര്യങ്ങളെക്കുറിച്ച് അവൾക്ക് വളരെ കുറച്ച് മാത്രമേ അറിവ് ഉണ്ടായിരുന്നുള്ളൂവെങ്കിലും, അവളുടെ പോഷിപ്പിക്കുന്ന ഭക്ഷണമായി അവൾ ക്രിസ്തുവിനെ ആസ്വദിക്കുകയായിരുന്നു. അതേസമയം, ദൈവത്തിന്റെ ശരിയായ ആരാധനയിൽ പരിശീലനം ലഭിച്ച നിരവധി പുരോഹിതന്മാർ തിരുവെഴുത്തുകൾ അനുസരിച്ച് ദൈവത്തെ ആരാധിച്ചുകൊണ്ടിരുന്നു.

ദൈവത്തിന്റെ ഹിതം ചെയ്യുന്നവർ, അതായത് ദൈവരാജ്യം അന്വേഷിക്കുന്നവരാണ്—അല്ലാതെ സ്വാഭാവിക ജനനം അനുസരിച്ചുള്ളവരല്ല—തന്റെ സഹോദരീസഹോദരന്മാരെന്ന് കർത്താവായ യേശു ജനത്തോട് പറഞ്ഞു. ആളുകളുമായുള്ള തന്റെ ബന്ധത്തിന് സ്വാഭാവിക ജനനവുമായി യാതൊരു ബന്ധവുമില്ലെന്ന് കർത്താവ് തന്റെ ശിഷ്യന്മാരോട് വളരെ വ്യക്തമായി പറഞ്ഞു. ഇതിൽ തന്റെ സ്വാഭാവിക അമ്മ പോലും ഉൾപ്പെടുന്നു. മറിയ "വിശുദ്ധ അമ്മ" ആണെന്ന് പറയുന്ന കത്തോലിക്കാ മതത്തിന്റെ അന്ധവിശ്വാസം ശ്രദ്ധിക്കരുത്. മത്തായി 12 അനുസരിച്ച്, കർത്താവായ യേശു സ്വാഭാവിക ജനനം അനുസരിച്ചുള്ളതെല്ലാം, സ്വന്തം അമ്മയെപ്പോലും നിരാകരിച്ചു.

നാം ഇന്നത്തെ യോനായെപോലെ മരണവും പുനരുത്ഥാനവും അനുഭവമാക്കുന്നുവെങ്കിൽ, തീർച്ചയായും നാം ദൈവാലയം പണിയുന്ന ഇന്നത്തെ ശലോമോൻ ആയിരിക്കും. മത്തായി ചരിത്രപരമായ ക്രമം പിന്തുടരുന്നില്ലെന്ന് ഒരിക്കൽ കൂടി നമുക്ക് കാണുവാൻ കഴിയും. ചരിത്രത്തിന്റെ ക്രമം അനുസരിച്ച്, ശലോമോൻ ആദ്യം വന്നു, യോനാ പിന്നീട് വന്നു. പിന്നെ എന്തുകൊണ്ടാണ് യോനായെ, മത്തായിയിൽ ആദ്യം പരാമർശിക്കുന്നത്? കാരണം, യോനാ ക്രൂശിക്കപ്പെട്ടവനും ഉയിർത്തെഴുന്നേറ്റവനുമായ ക്രിസ്തുവിനെ മുൻകുറിക്കുന്നു, എന്നാൽ ശലോമോൻ വാഴുന്നവനായ ക്രിസ്തുവിനെ മുൻകുറിക്കുന്നു. പുനരുത്ഥാനം ചെയ്തതിനു ശേഷം, ക്രിസ്തു ഭൂമിയിൽ വാഴുന്ന രാജാവാണ്. അതിനാൽ, ചരിത്രത്തിൽ ശലോമോൻ യോനായ്ക്ക് മുമ്പാണ്, എന്നാൽ മുൻകുറിശാസ്ത്രത്തിൽ യോനാ ശലോമോന് മുമ്പാണ്. മത്തായി ചരിത്രമനുസരിച്ച് എഴുതിയില്ല; അവൻ വെളിപാട് അനുസരിച്ച് എഴുതി.

വിശ്വാസം ഉണ്ടായിരിക്കുന്നത് പ്രയാസമുള്ള കാര്യമല്ല. വിശ്വസിക്കുവാൻ പ്രയാസമാണെന്ന നുണ അംഗീകരിക്കരുത്. നാമെല്ലാവരും പ്രഖ്യാപിക്കണം, “ഹാലേല്ലൂയ്യാ! നമുക്ക് വിശ്വസിക്കുവാൻ എളുപ്പമാണ്.” വിശ്വസിക്കാതിരിക്കുന്നതിനേക്കാൾ എളുപ്പമാണ് വിശ്വസിക്കുന്നത്. നിങ്ങൾക്ക് നിങ്ങളുടെ വിശ്വാസം ഉപേക്ഷിക്കുവാൻ കഴിയുമോ? കർത്താവായ യേശുവിൽ വിശ്വസിക്കുന്നത് നിർത്തുവാൻ നിങ്ങൾക്ക് കഴിയുമോ? നിങ്ങളുടെ വിശ്വാസം ഉപേക്ഷിക്കുവാനും അവനിൽ വിശ്വസിക്കുന്നത് നിർത്തുവാനും, ഇനി ഒരു ക്രിസ്ത്യാനിയായി തുടരുവാൻ വിസമ്മതിക്കുവാനും നിങ്ങൾ ശ്രമിച്ചാൽ, നിങ്ങൾക്ക് അത് ചെയ്യുവാൻ കഴിയില്ലെന്ന് നിങ്ങൾ കണ്ടെത്തും. ഹാലേല്ലൂയ്യാ! നമുക്കെല്ലാവർക്കും വിശ്വാസമുണ്ട്.

[മത്തായി 16-ൽ] സാത്താനെ ആദ്യം പാതാളകവാടങ്ങളാൽ പ്രതിനിധീകരിച്ചിരിക്കുന്നു (വാ. 18). ഇതിനുപുറമെ, സാത്താൻ സ്വയത്തിൽ ജഡാവതാരമെടുത്തിരിക്കുന്നു [വാ. 23]. ഒരു വശത്ത്, പത്രൊസ് ഒരു കല്ലായിരുന്നു; മറുവശത്ത്, അവൻ പെട്ടെന്ന് സാത്താനായി മാറി (വാ. 23). പാതാളകവാടങ്ങളുടെ ശക്തി പ്രയോഗിച്ചുകൊണ്ട് സാത്താന് ഒരിക്കലും വിജയിക്കുവാൻ കഴിയില്ല. സാത്താൻ അതിനേക്കാൾ വളരെ കൗശലക്കാരനാണ്. അവൻ പാതാളത്തിന്റെ ശക്തി പ്രയോഗിക്കുക മാത്രമല്ല; അവൻ നമ്മിലേക്ക് പ്രവേശിക്കുകയും അവനെത്തന്നെ നമ്മുടെ ആന്തരിക ആളത്തത്തിലേക്ക് പണിതുചേർക്കുകയും ചെയ്യുന്നു. ഇത് ഭയാനകവും കൗശലമേറിയതുമായ ഒരു കാര്യമാണ്. മരണത്തിന്റെ ശക്തിയാൽ സാത്താന് സഭയെ ജയിക്കുവാൻ കഴിയില്ല, പക്ഷേ അവന്റെ കൗശലതയിൽ അവന് സഭയെ നശിപ്പിക്കുവാൻ കഴിയും. സാത്താന്റെ കൗശലത എവിടെയാണ്? അവന്റെ കൗശലത മനുഷ്യന്റെ സ്വയത്തിലാണ് വസിക്കുന്നത്.

ദൈവരാജ്യത്തിലെ ജനം വിശ്വാസമുള്ള ജനമായിരിക്കണം. എന്താണ് വിശ്വാസം? വിശ്വാസത്തെ നിർവചിക്കുക പ്രയാസമാണ്. എബ്രായർ 11:1-ൽ വിശ്വാസത്തിന്റെ ഒരു നിർവചനം ഉണ്ടെങ്കിലും, അത് നാം പലതവണ വായിക്കുകയും എന്നാൽ വിശ്വാസം എന്താണെന്ന് മനസ്സിലാകാതെയിരിക്കുകയും ചെയ്തെന്നുവരാം. ലളിതമായി പറഞ്ഞാൽ, വിശ്വാസം എന്നാൽ കർത്താവായ യേശു എന്താണെന്നതിന്റെ സാക്ഷാത്കരണമാണ്. ഒരു പ്രത്യേക രീതിയിൽ നിങ്ങൾ കർത്താവായ യേശുവിനെ സാക്ഷാത്കരിക്കുമ്പോൾ, ആ സാക്ഷാത്കരണത്തിന്റെ ഫലമായി നിങ്ങൾക്ക് സ്വയമേവ വിശ്വാസം ഉണ്ടാകുന്നു.

സ്വർഗ്ഗരാജ്യത്തിലേക്ക് പ്രവേശിക്കുന്ന എല്ലാവരും ആശ്ചര്യവാന്മാരാണെന്ന് കരുതരുത്. ഇല്ല! അവർ കുഷ്ഠരോഗികളാണ്. സ്വർഗ്ഗരാജ്യം വിശുദ്ധന്മാരെ വിളിക്കുന്നില്ല; അത് കുഷ്ഠരോഗികളെ വിളിക്കുന്നു. ഈ തിരിച്ചറിവ് നമ്മെ വാസ്തവത്തിൽ താഴ്മയുള്ളവരാക്കും. കർത്താവായ യേശുവിനല്ലാതെ മറ്റാർക്കും കുഷ്ഠരോഗികളെ ശുദ്ധീകരിക്കുവാൻ കഴിയില്ല. [ആത്മികമായ് പറഞ്ഞാൽ] നാമെല്ലാവരും കുഷ്ഠരോഗികളാണ്, എന്നാൽ അവന്റെ രക്തത്താലും അവന്റെ ജീവനാലും നാം ശുദ്ധീകരിക്കപ്പെട്ടിരിക്കുന്നു. ലേവ്യപുസ്തകം 14 അനുസരിച്ച്, കുഷ്ഠരോഗത്തിന്റെ ശുദ്ധീകരണത്തിന് ഒരു പക്ഷിയുടെ രക്തവും വെള്ളവും ആവശ്യമായിരുന്നു. രക്തം കർത്താവായ യേശുവിന്റെ രക്തത്തെയും വെള്ളം അവന്റെ ജീവനെയും പ്രതിനിധീകരിക്കുന്നു. അവന്റെ രക്തത്താലും അവന്റെ ജീവനാലും നാം ശുദ്ധീകരിക്കപ്പെടുന്നു.

സ്വർഗ്ഗീയ ബാങ്കിൽ ഒരു അക്കൗണ്ട് ഉണ്ട്, അതിൽ നമുക്ക് നിക്ഷേപം (ക്രെഡിറ്റ്) അല്ലെങ്കിൽ ബാധ്യത (ഡെബിറ്റ്) ഉണ്ട്. പത്ത് ശതമാനം നൽകുന്നത് വെറും താഴ്ന്ന രീതിയാണ്. ദൈവം ഒരു യാചകനല്ല; അവനെ അങ്ങനെ ഒരുവനായി കണക്കാക്കരുത്. നിങ്ങൾക്ക് എല്ലാ സമ്പത്തും നൽകുന്ന വളരെ ഔദാര്യവാനായ ദാതാവെന്ന നിലയിൽ നിങ്ങൾ അവനെ ബഹുമാനിക്കണം. നിങ്ങളുടെ എല്ലാ സമ്പത്തും അവനിൽ നിന്നാണ് വരുന്നത്. നിങ്ങൾ സമ്പന്നനാകുമോ ഇല്ലയോ എന്നത് അവനെ ആശ്രയിച്ചിരിക്കുന്നു,